በክራስናያርስክ ክልል የሚገኘው የዜሌኖጎርስክ ከተማ ፍርድ ቤት በቅርቡ የወንድም አሌክሳንደር ካባኖቭን ጉዳይ በተመለከተ ብይን ያስተላልፋል። አቃቤ ሕጉ ወንድም አሌክሳንደር የሁለት ዓመት ከስድስት ወር እስራት እንዲፈረድበት ጥያቄ አቅርቧል።

1. ታኅሣሥ 26, 2019

   ተይዞ ታሰረ፤ ከዚያም መጽሐፍ ቅዱስን ማንበብንና ለሌሎች ስለ ይሖዋ መናገርን ጨምሮ እገዳ የተጣለበት ጽንፈኛ ድርጅት በሚያካሂዳቸው እንቅስቃሴዎች ተካፍለሃል በሚል ክስ ተመሠረተበት። በመሆኑም ማረፊያ ቤት እንዲገባ ተደረገ

2. ታኅሣሥ 27, 2019

   ዳኛው፣ መርማሪዎቹ ማረፊያ ቤት እንዲቆይ ያቀረቡትን ጥያቄ ውድቅ በማድረጉ ከማረፊያ ቤት እንዲወጣ ተደረገ

3. ታኅሣሥ 6, 2021

   አሌክሳንደር ለፍርድ ቤቱ የመጨረሻ ቃሉን ሰጠ። ዳኛው ፍርድ ከማስተላለፍ ይልቅ ጉዳዩ ወደ መርማሪዎቹ እንዲመለስ አደረገ፤ ይህም የክሱ ሂደት እንዲራዘም አድርጓል

4. መጋቢት 25, 2022

   የክሱ ሂደት እንደገና ቀጠለ

በሩሲያ የሚገኙ ወንድሞቻችንና እህቶቻችን ግሩም የእምነት ምሳሌ ናቸው። በኢሳይያስ 12:2 ላይ የሚገኘውን “እነሆ፣ አምላክ አዳኜ ነው! በእሱ እታመናለሁ፤ ምንም የሚያስፈራኝ ነገር የለም፤ ያህ ይሖዋ ብርታቴና ኃይሌ ነው” የሚለውን ሐሳብ ምን ያህል እንድሚያምኑበት በተግባር አሳይተዋል።