ጥር 25, 2022 በአስትራካን ክልል የሚገኘው የትሩሶቭስኪ አውራጃ ፍርድ ቤት የ56 ዓመቷ አና ጥፋተኛ ነች በማለት የስድስት ዓመት እስራት ፈረደባት። ወዲያውኑ ወደ እስር ቤት ተወሰደች።

1. ግንቦት 28, 2021

   የወንጀል ክስ ተመሠረተባት

2. ሰኔ 2, 2021

   የ81 ዓመት አረጋዊት ከሆኑት እናቷ ጋር የምትኖርበትን ቤት ፖሊሶች ፈተሹ። አና ማረፊያ ቤት ገባች

3. ሰኔ 3, 2021

   ከማረፊያ ቤት ተለቃ በቁም እስር እንድትቆይ ተደረገች። በቀን ለአንድ ሰዓት ማለትም ከጠዋቱ 3:00 እስከ 4:00 በእግሯ ከመንሸራሸር በቀር ከቤቷ መውጣት አይፈቀድላትም ነበር

4. ሰኔ 10, 2021

   በጽንፈኞች ዝርዝር ውስጥ ተካተተች፤ የባንክ ሒሳቦቿ በሙሉ ታገዱ

5. ጥር 24, 2022

   በፍርድ ቤቱ ፊት የመደምደሚያ ሐሳብ በሰጠችበት ወቅት እንዲህ ብላለች፦ “ኢየሱስ በማቴዎስ 5:44 ላይ ‘ጠላቶቻችሁን ውደዱ እንዲሁም ስደት ለሚያደርሱባችሁ ጸልዩ’ በማለት ተከታዮቹን አስተምሯቸዋል። ለምን? ምክንያቱም ቀደም ሲል አሳዳጅ የነበሩ ብዙ ሰዎች በኋላ ላይ የይሖዋ አገልጋዮች ሆነዋል።

   “ከደህንነት ቢሮ ባለሥልጣናት፣ ከመርማሪዎች፣ ከጠባቂዎች፣ ከጠበቃዎች እንዲሁም እኔን ከሚሰሙኝና ምግባሬን ከሚያዩት ሌሎች ሰዎች መካከል ቢያንስ አንዱ ለይሖዋ ምሥክሮች ያለውን አመለካከት እንደሚቀይር ተስፋ አደርጋለሁ። . . . ምናልባትም ቢያንስ አንድ ሰው መጽሐፍ ቅዱስን ለማንበብ፣ ለጥያቄዎቹ መልስ ለማግኘት፣ አምላክን ለማወቅ አልፎ ተርፎም የእሱ አገልጋይ ለመሆን ይነሳሳ ይሆናል።”

6. ጥር 25, 2022

   ጥፋተኛ ነች ተብላ የስድስት ዓመት እስራት ተፈረደባት

በሩሲያ እና በክራይሚያ ያሉት ወንድሞቻችንና እህቶቻችን የተዉት የታማኝነት ምሳሌ ያበረታታናል። የሰማዩ አባታችን ለመጽናት የሚያስፈልገንን ብርታት እንደሚሰጠን እንተማመናለን።—2 ተሰሎንቄ 1:4