ሰኔ 20, 2023 | የታደሰው፦ ነሐሴ 23, 2023
ሩሲያ

ወቅታዊ መረጃ—እህት ተፈረደባት | “ለይሖዋ ታማኝ መሆን እችላለሁ”

አጫውት

ነሐሴ 22, 2023 በኖቮሲቢርስክ የሚገኘው የኦክትያቢርስኪ አውራጃ ፍርድ ቤት፣ እህት ታትያና ኦሌይኒክ ጥፋተኛ ናት የሚል ብያኔ ያስተላለፈ ሲሆን የአራት ዓመት የገደብ እስራትም ፈርዶባታል። በአሁኑ ወቅት ወደ ወህኒ አትወርድም።

አጭር መግለጫ

ታትያና ኦሌይኒክ

የትውልድ ዘመን፦ 1952 (ክሩስቼቮ፣ ቱላ ክልል)

ግለ ታሪክ፦ እናቷ የሞተችባት የአምስት ዓመት ሕፃን ሳለች ነው። ክሬን ነጂ ሆና ሠርታለች። አንድ ወንድና አንዲት ሴት ልጅ አሏት

በ2001 ተጠምቃ የይሖዋ ምሥክር ሆነች

የሰጠችው ሐሳብ

ይህን አስቸጋሪ ጊዜ ለመቋቋም የረዳሽ ክርስቲያናዊ ባሕርይ የትኛው ነው?

እንዲህ ባለው ተፈታታኝ ሁኔታ ውስጥ መሆኔ የትሕትናን አስፈላጊነት አስተምሮኛል። ከዚህ ቀደም አንዳንድ ነገሮችን በራሴ መንገድ ማከናወን ይቀናኝ ነበር። የተሰጡንን መመሪያዎች መከተላችን ያስገኘውን ጥቅም መመልከቴ ግን ወደፊትም መመሪያዎችን መታዘዜን እንድቀጥል አነሳስቶኛል።

ስደትን በጽናት የተቋቋሙ ደፋር ክርስቲያኖች ምሳሌነት የጠቀመሽ እንዴት ነው?

እነዚህን ተሞክሮዎች ሳነብና ስሰማ ብቻዬን እንዳልሆንኩ እርግጠኛ እሆናለሁ። ወንድሞቼና እህቶቼ መጽናት ከቻሉ እኔም ለይሖዋ ታማኝ መሆን እችላለሁ። ወንድም አሌክሳንደር ሴዬርዮድኪንን እና ባለቤቱን በቅርበት አውቃቸዋለሁ። ወንድም አሌክሳንደር በአሁኑ ወቅት የስድስት ዓመት እስራት ተፈርዶበት ወህኒ ቤት ነው። የእነሱ ምሳሌነት በጣም አበረታቶኛል፤ እንዲሁም ይሖዋ በብዙ መንገዶች እንደሚደግፈን አስገንዝቦኛል። በዕብራውያን 13:5, 6 ላይ ያሉት ቃላት እውነት ናቸው፤ ጥቅሱ እንዲህ ይላል፦ “እሱ ‘ፈጽሞ አልተውህም፤ በምንም ዓይነት አልጥልህም’ ብሏልና። ስለዚህ በሙሉ ልብ ‘ይሖዋ ረዳቴ ነው፤ አልፈራም። ሰው ምን ሊያደርገኝ ይችላል?’ እንላለን።”

ይሖዋ እህት ታትያናን እና በሁሉም ነገር “ለመታዘዝ ዝግጁ” የሆኑ አገልጋዮቹን ሁሉ መባረኩን እንደሚቀጥል እንተማመናለን።—ያዕቆብ 3:17

የክሱ ሂደት

ሚያዝያ 19, 2019

ቤቷ ተፈተሸ
ኅዳር 18, 2021

የክስ ፋይል ተከፈተባት
ጥር 26, 2023

ክሷ በፍርድ ቤት መታየት ጀመረ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች