ግንቦት 6, 2022 | የታደሰው፦ የካቲት 21, 2023
ሩሲያ

ወቅታዊ መረጃ—እህት ተፈረደባት | ታትያና ኦቢዤስትቪት በይሖዋ ታምናለች

አጫውት

የካቲት 20, 2023 በታታርስታን ሪፑብሊክ፣ በካዛን የሚገኘው የቫኪቶቭስኪ አውራጃ ፍርድ ቤት፣ በእህት ታትያና ኦቢዤስትቪት ላይ የጥፋተኝነት ብይን አስተላልፏል። ታትያና የሁለት ዓመት የገደብ እስራት ተፈርዶባታል። በአሁኑ ወቅት ወህኒ አትወርድም።

የክሱ ሂደት

ጥር 19, 2020

ባለሥልጣናት የታትያናን እና በካዛን የሚኖሩ ሌሎች የይሖዋ ምሥክሮችን ቤት ፈተሹ። ታትያና የወንጀል ምርመራ ከተደረገባት በኋላ ወደ ጊዜያዊ ማረፊያ ቤት ተወሰደች
ጥር 21, 2020

ከማረፊያ ቤት ተለቃ በቁም እስር እንድትቆይ ተደረገች
ግንቦት 25, 2021

ክሷ በፍርድ ቤት መታየት ጀመረ

አጭር መግለጫ

ታትያና ኦቢዤስትቪት

የትውልድ ዘመን፦ 1962 (ካዛን)

ግለ ታሪክ፦ ከምግብ ሥራ ትምህርት ቤት ተመርቃለች። በአንድ ትምህርት ቤት ውስጥ ምግብ አብሳይ ሆኖ ትሠራ ነበር፤ በኋላም ነርስ ሆነች

ከይሖዋ ምሥክሮች ጋር መጽሐፍ ቅዱስን ስታጠና ለዘላለም መኖር እንደምትችል ስትማር በጣም ተደሰተች። ከባድ የቤተሰብ ተቃውሞ ቢያጋጥማትም በ1995 ተጠመቀች። ሁለት ሴት ልጆች አሳድጋለች። በ2010 ባለቤቷ ሞተ

የሰጠችው ሐሳብ

በቁም እስር በነበርሽበት ወቅት የተስፋ መቁረጥ ስሜትን ለማሸነፍ የረዳሽ ምንድን ነው?

አዘውትሬ በመጸለይ ይሖዋ ሁኔታውን ለመቋቋም የሚያስችል የስሜት ጥንካሬ እንዲሰጠኝ እጠይቀዋለሁ። . . . በቁም እስር እንድቆይ ከተደረገ በኋላ ሙሉ በሙሉ ብቻዬን ነበርኩ። ስልክና ኮምፒውተር መጠቀም፣ የጉባኤዬን ወንድሞች ማነጋገር ወይም ከማንም ጋር መገናኘት አይፈቀድልኝም ነበር። መጀመሪያ ላይ ከባድ ነበር። ብዙ ጊዜ የተስፋ መቁረጥ ስሜት ይሰማኝ ነበር። ሆኖም ባጋጠመኝ ሁኔታ ላይ ላለማተኮር ጥረት አደረግኩ። ይህ ሁኔታ የደረሰብኝ ለምን እንደሆነ ሳስብ እዚህ ሁኔታ ውስጥ የገባሁት ለይሖዋ ባለኝ ፍቅር የተነሳ እንደሆነ አስታወስኩ። ይህም ስለ ራሴ ማሰቤን እንዳቆም ረድቶኛል።

ታትያና በይሖዋ በመታመንና በገዛ ራሷ ማስተዋል ባለመመካት እንዲሁም በታማኝነት በመጽናት የተወችውን ምሳሌ እናደንቃለን።—ምሳሌ 3:5