መጋቢት 21, 2024 | የታደሰው፦ ሚያዝያ 12, 2024
ሩሲያ

ወቅታዊ መረጃ—እህት ተፈረደባት | “የይሖዋ እንክብካቤ ተቋርጦብን አያውቅም”

አጫውት

ሚያዝያ 12, 2024 በኬሜሮቮ ክልል በፕሮኮፕዬቭስክ የሚገኘው የሴንትራልኒ አውራጃ ፍርድ ቤት፣ እህት ዬሌና ችዬርኒክ ጥፋተኛ ነች በማለት የሦስት ዓመት የገደብ እስራት በይኖባታል። በአሁኑ ወቅት ወህኒ አትገባም።

አጭር መግለጫ

ዬሌና ችዬርኒክ

ትውልድ፦ 1976 (ፕሮኮፕዬቭስክ)

ግለ ታሪክ፦ ከይሖዋ ምሥክሮች ጋር መጽሐፍ ቅዱስን ስታጠና ከአምላክ ጋር ወዳጅነት መመሥረት ቻለች። በ1998 ተጠመቀች

በ2006 ከዩሪ ጋር ተጋቡ። ዩሪ መስከረም 2023 ጥፋተኛ ነው ተብሎ የሦስት ዓመት የጉልበት ሥራ ተበይኖበታል። ሦስት ወንዶች ልጆች አሏቸው

የሰጠችው ሐሳብ

ይህን ፈተና በጽናት መቋቋም ቢኖርብሽም አመስጋኝ የምትሆኚባቸው ምን ነገሮች አሉ?

ጸሎት፣ የመጽሐፍ ቅዱስ ንባብና ሌሎችን መርዳትን ጨምሮ መንፈሳዊ ልማዶቼን ይዤ በመቀጠሌ ደስተኛ ነኝ። እነዚህ ነገሮች ለተስፋ መቁረጥ እጅ እንዳልሰጥ ይረዱኛል። ችሎት ፊት ስቀርብ ይሖዋ ለስሙ ጥብቅና ለመቆም የሚያስፈልገኝን ብርታትና ድፍረት በመስጠት ሁሌም ጸሎቴን እንደሚመልስልኝ ማወቄም ያስደስተኛል። ደግሞም ቤተሰባችንን የሚደግፉ፣ የሚጸልዩልን እንዲሁም በቁሳዊ የሚያግዙን ወንድሞችና እህቶች ባይኖሩኝ ምን ይውጠኝ ነበር? የይሖዋ እንክብካቤ ተቋርጦብን አያውቅም። በዚህ ፈተና ማለፌ ግድ ቢሆንም ይሖዋ ሁሌም አብሮኝ ስለሆነና እጄን ይዞ ስለሚያበረታኝ በጣም አመስጋኝ ነኝ።

በጣም ከባድ በሆነ ፈተና ለማለፍ ብንገደድም እንኳ ይሖዋ ‘እንደማይለወጥ’ እንዲሁም ለመጽናት የሚያስፈልገንን “መልካም ስጦታ ሁሉና ፍጹም ገጸ በረከት ሁሉ” መስጠቱን እንደማያቋርጥ ማወቃችን ያጽናናናል።—ያዕቆብ 1:17

የክሱ ሂደት

ሐምሌ 12, 2020

ቤታቸው ተፈተሸ። ዬሌና እና ዩሪ ምርመራ ተደረገባቸው
ግንቦት 25, 2023

የወንጀል ክስ ተመሠረተባት
ነሐሴ 15, 2023

የጉዞ ክልከላዎች ተጣሉባት
ጥቅምት 9, 2023

ክሷ በፍርድ ቤት መታየት ጀመረ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች