ሐምሌ 26, 2023 | የታደሰው፦ ታኅሣሥ 20, 2023
ሩሲያ

ወቅታዊ መረጃ—እህት ተፈረደባት | ‘ይሖዋ ሁልጊዜ ከጎኔ ነው’

አጫውት

ታኅሣሥ 19, 2023 በኮስትሮማ የሚገኘው የዲሚትሮቭስኪ አውራጃ ፍርድ ቤት፣ እህት ቫለንቲና ሳሙስ ጥፋተኛ ናት የሚል ብይን በማስተላለፍ በስድስት ዓመት የገደብ እስራት እንድትቀጣ ወስኗል። በአሁኑ ወቅት ወህኒ አትወርድም።

አጭር መግለጫ

ቫለንቲና ሳሙስ

ትውልድ፦ 1949 (ኮስትሮማ፣ ኮስትሮማ ክልል)

ግለ ታሪክ፦ ነርስ ነበረች። አሁን ጡረታ ወጥታለች

በ1970 ኢቫንን አገባች። አንድ ወንድና አንዲት ሴት ልጅ አሏቸው

አምላክ እሱን ለማወቅ እንዲረዳት ትጸልይ ነበር። ብዙም ሳይቆይ ከይሖዋ ምሥክሮች ጋር ተገናኝታ መጽሐፍ ቅዱስን ማጥናት ጀመረች። በ2007 ተጠመቀች

የሰጠችው ሐሳብ

በዚህ አስቸጋሪ ጊዜ ከይሖዋ ጋር ያለሽ ወዳጅነት የተጠናከረው እንዴት ነው?

ይሖዋ ፈጽሞ የማይለወጥ አምላክ መሆኑን ከመቼውም ጊዜ ይበልጥ ተገንዝቤያለሁ። ይሖዋ አባቴ ነው፤ ሁልጊዜ ከጎኔ ነው። በተደጋጋሚ ጊዜ እንደተገነዘብኩት ወደ እሱ መጸለዬ ፍርሃቴንና ጭንቀቴን ያስወግድልኛል። ለይሖዋ ምንም ነገር ሳላስቀር ሁሉንም እነግረዋለሁ። ደግሞም እሱ እንዲሆን የፈቀደው ማንኛውም ነገር፣ የኋላ ኋላ ጥቅም እንደሚያስገኝልኝ እርግጠኛ ነኝ። ይህም ምንም ይምጣ ምን ለእሱ ታማኝ እንድሆን ያነሳሳኛል። የይሖዋ አገልጋዮች ይህ ሁሉ ስደት እየደረሰብንም እንኳ በደስታ እሱን እያገለገልን መሆኑ፣ መንፈሳዊ ጥበቃ እያደረገልን እንደሆነ ያሳያል። ይሖዋን ሁልጊዜ የምለምነው፣ እምነቴ እንዲጠናከርና ለእሱ ያለኝ ፍቅር ፈጽሞ እንዳይቀዘቅዝ እንዲያውም ይበልጥ እየተቀጣጠለ እንዲሄድ ነው።

በሚደርሱብን ፈተናዎች ሁሉ በይሖዋ መታመን እንደምንችል ማወቃችን ያጽናናናል፤ በእርግጥም “እንደ አምላካችን ያለ ዓለት የለም።”—1 ሳሙኤል 2:2

የክሱ ሂደት

የካቲት 17, 2022

የክስ ፋይል ተከፈተባት
መጋቢት 15, 2022

ቤቷ ተፈተሸ
ታኅሣሥ 15, 2022

የወንጀል ክስ ተመሠረተባት እንዲሁም የጉዞ እገዳ ተጣለባት
መጋቢት 24, 2023

ክሱ በፍርድ ቤት መታየት ጀመረ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች