ጥር 17, 2023 | የታደሰው፦ ሚያዝያ 17, 2023
ሩሲያ

ወቅታዊ መረጃ—እህት ተፈረደባት | ‘ይሖዋ ከጎኔ አይለይም’

አጫውት

ሚያዝያ 17, 2023 በቼልያቢንስክ ክልል የሚገኘው የሚታለርጂቼስኪ አውራጃ ፍርድ ቤት፣ እህት ኦልጋ ዤላቭስካያ ጥፋተኛ ናት የሚል ብይን አስተላልፏል፤ የሁለት ዓመት የገደብ እስራት ተፈርዶባታል። በአሁኑ ወቅት ወህኒ አትወርድም።

አጭር መግለጫ

ኦልጋ ዤላቭስካያ

የትውልድ ዘመን፦ 1962 (ፖታፖቮ፣ ቼልያቢንስክ ክልል)

ግለ ታሪክ፦ ከአሳንሰር ጥገና ጋር የተያያዘ ሥራ ነበራት

ከይሖዋ ምሥክሮች ጋር የተገናኘችው አንድ የምታውቃት ሴት መጽሐፍ ቅዱስ ማጥናት ስትጀምር ነው። ስለ ሞትና ስለ አምላክ መኖር ለነበሯት ጥያቄዎች መልስ አገኘች። በ2012 ተጠመቀች

የሰጠችው ሐሳብ

ያበረታታሽ የመጽሐፍ ቅዱስ ታሪክ አለ?

ለመጀመሪያ ጊዜ ችሎት ፊት ልቀርብ ስል አንድ ወንድም በነቢዩ ዮናስ ታሪክ ላይ እንዳሰላስል አበረታታኝ፤ የዮናስ ታሪክ—ስለ ድፍረትና ስለ ምሕረት ምን ያስተምረናል? የተባለው ቪዲዮም ታሪኩን ሕያው እንደሚያደርግልኝ ነገረኝ። ዮናስ የይሖዋን ፍርድ ለነነዌ ሰዎች ማወጅ በጣም አስፈርቶት ነበር። ወደ ከተማዪቱ እንደገባ መልእክቱን የተናገረው በለሆሳስ ነበር። እያደር ግን ድምፁን ከፍ አድርጎ በድፍረት መናገር ጀመረ። ይህ ታሪክ በጣም አበረታቶኛል። የገጠሙኝ ፈተናዎች እንደ እምነትና ጽናት ያሉትን ባሕርያት ይበልጥ እንዳዳብር እንደሚረዱኝ ተገንዝቤያለሁ። ይሖዋ ከጎኔ እንደማይለይና ምንም ነገር ሊያስፈራኝ እንደማይገባ ሁልጊዜ ለማስታወስ እጥራለሁ።

ስለ አንድ ነገር እርግጠኞች ነን፤ የይሖዋ አገልጋዮች የመጣው ቢመጣ እሱ ስለሚደግፋቸው ‘ፈጽሞ አይናወጡም።’—መዝሙር 16:8

የክሱ ሂደት

ሰኔ 16, 2018

ፖሊሶች የኦልጋ ቤት ውስጥ የድምፅና የቪዲዮ ክትትል መሣሪያ ገጠሙ፤ እንቅስቃሴዎቿን መከታተል ጀመሩ
መጋቢት 26, 2019

ከወንድም ቭላድሚር ሱቮሮቭ ምርመራ ጋር በተያያዘ ቤቷ ተፈተሸ
ነሐሴ 31, 2021

የወንጀል ክስ ተመሠረተባት። ቤትሽን ለስብሰባ በመፍቀድ የጽንፈኛ ድርጅትን እንቅስቃሴ ደግፈሻል ተብላ ተከሰሰች
ጥቅምት 22, 2021

ስትሮክ አጋጥሟት ሐኪም ቤት ተኛች
መስከረም 28, 2022

ክሷ በፍርድ ቤት መታየት ጀመረ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች