የካቲት 20, 2023| የታደሰው፦ ሐምሌ 14, 2023
ሩሲያ

ወቅታዊ መረጃ—እህቶች ተፈረደባቸው | “ልወጣው የማልችለው አንድም ችግር የለም”

አጫውት

ሐምሌ 11, 2023 በኖቮኩዝኔትስክ የሚገኘው የኩዝንዬትስኪ አውራጃ ፍርድ ቤት፣ እህት ልዩቦቭ ሴሬብርያኮቫ ጥፋተኛ ናት የሚል ብይን አስተላልፏል፤ የአራት ዓመት የገደብ እስራት ተበይኖባታል። አሁን ወህኒ አትወርድም።

አጭር መግለጫ

ልዩቦቭ ሴሬብርያኮቫ a

የትውልድ ዘመን፦ 1950

ግለ ታሪክ፦ በ1999 ባሏን በሞት አጣች፤ በወቅቱ ከሁለት ወንዶች ልጆቿ ትንሹ ዘጠኝ ዓመቱ ነበር። ከይሖዋ ምሥክሮች ጋር መጽሐፍ ቅዱስን አጠናች። በ2001 ተጠመቀች

የሰጠችው ሐሳብ

ስደት ከይሖዋ ጋር ያለሽን ዝምድና የነካው እንዴት ነው?

አሁን ይበልጥ አዘውትሬ ወደ ይሖዋ እጸልያለሁ፤ በጸሎቴ ላይም የምፈልገውን ነገር ለይቼ የመጥቀስ ልማድ አዳብሬያለሁ። ይሖዋ በየቀኑ መመሪያና ድጋፍ በመስጠት ፍቅሩንና እንክብካቤውን ያሳየኛል። ውስጣዊ መረጋጋትና ሰላም ስለሰጠኝ በእያንዳንዱ ቀን መጨረሻ ላይ አመሰግነዋለሁ። ይሖዋ ሁልጊዜም ከአጠገቤ ያለ ያህል ሆኖ ነው የሚሰማኝ። ስሜቴን እንደሚረዳልኝ አውቃለሁ። የእሱን ያህል የሚወደኝ ማንም የለም። የእሱ እርዳታ እንዲሁም የታማኝ ወንድሞቼና እህቶቼ እገዛ ስላለኝ ልወጣው የማልችለው አንድም ችግር የለም።

ልዩቦቭ፣ ይሖዋ ‘ለእሷ ሲል እርምጃ እንደሚወስድ’ ያላት ጠንካራ እምነት እኛም ተመሳሳይ ፈተናዎች ሲያጋጥሙን ግሩም ምሳሌ ይሆነናል።—መዝሙር 37:5

የክሱ ሂደት

ኅዳር 2019-2020

በኖቮኩዝኔትስክ የሚኖሩ አንዳንድ የይሖዋ ምሥክሮች በድምፅና በቪዲዮ ክትትል ተደረገባቸው
ሐምሌ 8, 2022

ልዩቦቭ በይሖዋ ምሥክሮች ስብሰባዎች ላይ ተገኝታለች እንዲሁም ከሌሎች ጋር መጽሐፍ ቅዱሳዊ ውይይት አድርጋለች በሚል የወንጀል ምርመራ ይደረግባት ጀመር
ሐምሌ 26, 2022

በጽንፈኛ ድርጅት እንቅስቃሴዎች ተካፍላለች የሚል ክስ ተመሠረተባት። የጉዞ ክልከላዎች ተጣሉባት
መስከረም 21, 2022

ክሷ በፍርድ ቤት መታየት ጀመረ