ነሐሴ 23, 2023 | የታደሰው፦ ሰኔ 25, 2024
ሩሲያ

ወቅታዊ መረጃ—ወንድም መቀጮ ተጣለበት | “ይበልጥ እየበረታሁ ነው”

አጫውት

ሰኔ 24, 2024 በክራስኖያርስክ ክልል የሚገኘው የሌሶሲቢርስክ ከተማ ፍርድ ቤት፣ ወንድም ቫለሪ ሺትዝ ጥፋተኛ ነው የሚል ብይን አስተላልፏል። ወንድም ቫለሪ የ600,000 ሩብል (6,894 የአሜሪካ ዶላር) መቀጮ ተጥሎበታል።

አጭር መግለጫ

ቫለሪ ሺትዝ

ትውልድ፦ 1966 (ቦልሻያ ሙርታ፣ ክራስኖያርስክ ክልል)

ግለ ታሪክ፦ የግንባታ ሥራ ይሠራ ነበር

በ1987 ኢሪናን አገባ። ሁለት ወንዶች ልጆች አሏቸው

ሁለቱም ከይሖዋ ምሥክሮች ጋር መጽሐፍ ቅዱስን ማጥናት ጀመሩ። የመጽሐፍ ቅዱስ ትንቢቶችን ፍጻሜ እንዲሁም ምክሩን በተግባር ማዋል የሚያስገኛቸውን መልካም ውጤቶች ሲመለከቱ አድናቆት አሳደረባቸው። ሁለቱም በ2008 ተጠመቁ

የሰጠው ሐሳብ

መንፈሳዊ ቤተሰብህ ያደረገልህ ድጋፍና እገዛ ምን ነገር አስገንዝቦሃል?

ብዙ ወንድሞችና እህቶች ችግር ባጋጠመን ጊዜ ደርሰውልናል፤ እንዲሁም እንደሚወዱን አረጋግጠውልናል። ለጋሶች ከመሆናቸውም በተጨማሪ ለእኛ ሲሉ ጊዜያቸውንና ጉልበታቸውን መሥዋዕት ለማድረግ ፈቃደኞች ሆነዋል። መጀመሪያ ላይ ከሌሎች እርዳታ መቀበል ከብዶኝ እንደነበር አልክድም። ከመቀበል ይልቅ መስጠት የበለጠ ደስታ ያስገኛል፤ እኔም ሕይወቴን ስመራ የቆየሁት በዚህ መንገድ ነበር። ስለዚህ አመለካከቴን ማስተካከልና እርዳታ ለመቀበል ፈቃደኛ መሆን ነበረብኝ። ይህም ሌሎች ይሖዋና ኢየሱስ የተዉልንን ምሳሌ ተከትለው ፍቅር ሲያንጸባርቁ በመመልከት ደስታ እንዳገኝ አስችሎኛል።

ተስፋ እንዳትቆርጥ የረዳህ ምንድን ነው?

ሁሉም ክርስቲያኖች የእምነት ፈተና ያጋጥማቸዋል። ምናልባት ባይታሰሩ እንኳን ሊታመሙ፣ መድልዎ ሊደረግባቸው ወይም የሚወዱትን ሰው በሞት ሊያጡ ይችላሉ። ያዕቆብ 1:3 ‘ተፈትኖ የተረጋገጠ እምነት ጽናት እንደሚያስገኝልን’ ይናገራል። ስለዚህ አዘውትሬ የልቤን ሁሉ ለይሖዋ እነግረዋለሁ። በጸለይኩ ቁጥር ከይሖዋ ጋር ያለኝ ወዳጅነት ይበልጥ ይጠናከራል። በዓለም ዙሪያ ያሉ ወንድሞችና እህቶች እንደሚጸልዩልኝ ማወቄ ደግሞ ተጨማሪ ብርታት ይሰጠኛል። እየደረሰብኝ ያለው ስደት አካሌን ሊያዳክመውና ማድረግ የምችላቸውን ነገሮች ሊገድብብኝ ይችላል፤ ለይሖዋ ያለኝን ታማኝነት ግን ፈጽሞ አያዳክመውም። እንዲያውም ይበልጥ እየበረታሁ ነው።

ምንም ዓይነት መከራ ቢደርስብን ይሖዋና ወንድሞቻችን ከጎናችን እንደሚሆኑ ማወቃችን ያጽናናናል።—1 ጴጥሮስ 5:9, 10

የክሱ ሂደት

ኅዳር 19, 2021

የክስ ፋይል ተከፈተበት
ኅዳር 25, 2021

ቤቱ ተፈተሸ ከዚያም ለምርመራ ተወሰደ
ኅዳር 26, 2021

አንዳንድ እንቅስቃሴዎችን እንዳያደርግ ገደብ ተጣለበት
ግንቦት 18, 2022

የጉዞ ገደብ ተጣለበት
ሚያዝያ 10, 2023

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች