1. ጥቅምት 7, 202 1 የክራስኖዳር ክልል ፍርድ ቤት ወንድም ቫሲሊ ሜሌሽኮ ያቀረበውን ይግባኝ ውድቅ አደረገ። ቀደም ሲል የተላለፈበት ፍርድ በዚያው ይጸናል

2. ነሐሴ 11, 2021

   በክራስኖዳር ክልል የሚገኘው የአብንስኪ አውራጃ ፍርድ ቤት፣ የቫሲሊን ጉዳይ ለሁለት ቀናት ካየ በኋላ ጥፋተኛ ነው በማለት የሦስት ዓመት እስራት ፈርዶበታል። ወንድም ቫሲሊ ሜሌሽኮ ከፍርድ ቤት በቀጥታ ወደ እስር ቤት ተወስዷል። ቫሲሊ በዚህ ፍርድ ቤት ጉዳያቸው በችኮላ ታይቶ ከተፈረደባቸው የይሖዋ ምሥክሮች አራተኛው ሆኗል a

3. ነሐሴ 10, 2021

   የቫሲሊ ጉዳይ በፍርድ ቤት መታየት ጀመረ። ዳኛው ሲጠይቁት፣ ቫሲሊ ቀናተኛ የይሖዋ ምሥክር መሆኑን በድፍረት ተናገረ

4. ሰኔ 24, 2021

   ቫሲሊ ቀደም ሲል ከወንድም አሌክሳንደር ኢቨሺን ጋር ያደረጋቸው ውይይቶች በተከሰሰባቸው ወንጀሎች ውስጥ ተካተቱ። አቃቤ ሕጉ “ከይሖዋ አምላክ አገልግሎት” ጋር በተያያዙ ሃይማኖታዊ ጉዳዮች ላይ እንደተወያዩ ገልጿል

5. ሚያዝያ 12, 2021

   ቫሲሊ “በሃይማኖታዊ ጽሑፎች ላይ የተመሠረቱ ንግግሮችን በማቅረቡና በመስማቱ፣” “በሃይማኖታዊ መጻሕፍት ላይ የቡድን ውይይት በማድረጉ” እንዲሁም በሌሎች እንቅስቃሴዎች በመካፈሉ ክስ ተመሠረተበት

6. ሚያዝያ 7, 2021

   ማለዳ 12:30 ላይ ሦስት የታጠቁ የደህንነት አባላት፣ አራት መርማሪ ፖሊሶች እንዲሁም ሁለት ባለሥልጣናት የቫሲሊን እና የዞያን ቤት በግድ ፈተሹ። በኋላም ቫሲሊ ለምርመራ ተወሰደ። ከዚያም መርማሪዎቹ ከቤቱ ፊት ለፊት እንዲሁም ወንድሞች ቀደም ሲል ለአምልኮ ከሚሰበሰቡበት ሕንፃ ፊት ለፊት ፎቶግራፍ አነሱት። መርማሪዎቹ እነዚህን ፎቶግራፎች ያነሱት ወንጀል እንደፈጸመ የሚያሳይ ማስረጃ አድርገው ሊጠቀሙባቸው ነው። ቫሲሊ አካባቢውን ለቆ እንዳይሄድ ታዘዘ

የፍርድ ሂደቱ በችኮላ መካሄዱና በሩሲያ በሚኖሩ ወንድሞቻችንና እህቶቻችን ላይ የሚደርሰው ስደት መቀጠሉ “ክፉ ወሬ” ቢሆንም ቫሲሊና ቤተሰቡ ‘በይሖዋ በመተማመን’ ጽኑ እንደሚሆኑና እንደማይናወጡ እርግጠኞች ነን።—መዝሙር 112:7, 8