መጋቢት 29, 2024 | የታደሰው፦ ሐምሌ 10, 2024
ሩሲያ

ወቅታዊ መረጃ—ወንድም ተፈረደበት | “ልቤ በፍርሃት አልተሸበረም”

አጫውት

ሐምሌ 10, 2024 በካባሮቭስክ ግዛት የሚገኘው የካባሮቭስክ አውራጃ ፍርድ ቤት ወንድም ቫለሪ ራቦታ ጥፋተኛ ነው የሚል ብይን አስተላልፏል። የስድስት ዓመት የገደብ እስራት ተፈርዶበታል። አሁን ወህኒ አይወርድም።

አጭር መግለጫ

ቫለሪ ራቦታ

ትውልድ፦ 1961 (ዩክሬን)

ግለ ታሪክ፦ መልእክት አድራሽ ሹፌር ሆኖ ይሠራ ነበር

‘አምላክ፣ እባክህ ማንነትህን አሳውቀኝ’ እያለ ይጸልይ ነበር። በቀጣዩ ቀን የይሖዋ ምሥክሮች አነጋገሩት፤ ለጥያቄዎቹ ደረጃ በደረጃ መልስ አገኘ። በ1995 ተጠመቀ

በ2018 ከኤልቪራ ጋር ተጋቡ

የሰጠው ሐሳብ

መርማሪዎቹ ቤትህን ሊፈትሹ ሲመጡ እንድትረጋጋ የረዳህ ምንድን ነው?

እኔና ባለቤቴ ልክ ምሳ በልተን እንደጨረስን በራችን በኃይል ሲመታ ሰማን። ትልቅ ድንጋይ የተወረወረበት ያህል ነበር ድምፁ። ወዲያው ምን እየተከናወነ እንዳለ ገባኝ። በዚያ ቅጽበት አንድ ምስል ትዝ አለኝ፤ አንድ ቤተሰብ እየጸለየ ሳለ ወታደሮች ወደ ቤቱ ሰብረው ሊገቡ ሲሉ አንድ ኃያል መልአክ ከላይ ሆኖ ሲመለከት የሚያሳይ ምስል ነው። ለባለቤቴ “ይሖዋ፣ ኢየሱስና ብዙ መላእክት ከላይ ሆነው እየተመለከቱን ነው” አልኳት። አጭር ጸሎት አድርጌ በሩን ልከፍት ሄድኩ። በዚያ ወቅትም ሆነ ከዚያ ወዲህ የሚሰማኝን መረጋጋት በቃላት መግለጽ ይቸግረኛል፤ ይሖዋ አጠገቤ ያለ ያህል ይሰማኛል። ይሖዋ ስለረዳኝ ልቤ በፍርሃት አልተሸበረም። እንዲያውም ልቤን የሞላው ሰላምና የመረጋጋት ስሜት ነው።

የቫለሪን የእምነት ምሳሌ እናደንቃለን፤ ይሖዋ እሱንም ሆነ ታማኝነታቸውን የሚያስመሠክሩትን አገልጋዮቹን በሙሉ እንደሚጠብቃቸው እምነት አለን።—መዝሙር 37:28

የክሱ ሂደት

መጋቢት 1, 2022

የወንጀል ክስ ተመሠረተበት
መጋቢት 3, 2022

ቤቱ ተፈተሸ። ምርመራ ከተደረገበት በኋላ ጣቢያ እንዲያድር ተደረገ
መጋቢት 5, 2022

ወደ ማረፊያ ቤት ተላከ
ሰኔ 29, 2022

ከማረፊያ ቤት ተለቀቀ፤ የቁም እስረኛ ተደረገ
ጥቅምት 7, 2022

ከቁም እስር ተፈታ፤ የጉዞ ገደቦች ተጣሉበት
ግንቦት 11, 2023

ክሱ በፍርድ ቤት መታየት ጀመረ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች