ሚያዝያ 28, 2023 | የታደሰው፦ ሰኔ 16, 2023
ሩሲያ

ወቅታዊ መረጃ—ወንድም ተፈረደበት | “ምንም ነገር ደስታዬን ሊያሳጣኝ አይችልም”

አጫውት

ሰኔ 15, 2023 በቭላድሚር ክልል የሚገኘው የኮቮርቭስኪ ከተማ ፍርድ ቤት፣ በወንድም ሮማን አዴስቶቭ ላይ የጥፋተኝነት ብይን አስተላልፏል፤ በአንድ ዓመት እስራት እንዲቀጣም ወስኗል። ቀደም ሲል ማረፊያ ቤት ያሳለፈው ጊዜ ግምት ውስጥ ስለሚገባ አሁን ወህኒ አይወርድም።

አጭር መግለጫ

ሮማን አዴስቶቭ

የትውልድ ዘመን፦ 1976 (ኮቭሮቭ)

ግለ ታሪክ፦ ሮማን የ13 ዓመት ልጅ ሳለ አባቱ ሞተ። የጋዝ እና የኤሌክትሪክ በያጅ ነው

በ1999 ከአሊና ጋር ትዳር መሠረቱ። አንዲት ልጅ ወልደዋል

የመጽሐፍ ቅዱስን መሠረታዊ ሥርዓቶች ተግባር ላይ ሲያውል ሕይወቱ እንዴት እንደተቀየረ ማየቱ፣ መጽሐፍ ቅዱስ ኃይል እንዳለው እንዲያምን አድርጎታል። አሊና በ2005 ሮማን ደግሞ በ2006 ተጠምቀው የይሖዋ ምሥክሮች ሆኑ

የሰጠው ሐሳብ

ወንድሞችና እህቶች የረዱህ እንዴት ነው?

በዓለም ዙሪያ በሚገኙ ልክ እንደ እኔ ይሖዋን በሚወዱ ሰዎች መከበቤን ማወቄ በጣም ያስደስተኛል! ውድ ወንድሞቼና እህቶቼ እየጸለዩልኝ እንደሆነ ማወቄ ደግሞ ወደ አዲሱ ዓለም በሚወስደው ጎዳና ላይ በጽናት መጓዜን እንድቀጥል ብርታት ሰጥቶኛል። እኔና ባለቤቴ፣ አንድ ወንድም የሰጠንን ምክር ተግባር ላይ ለማዋል ጥረት እያደረግን ነው። ይህ ወንድም ‘ባሉብን ችግሮች ላይ ማተኮርና መቆዘም የምንጀምረው ስለ ሌሎች ማሰባችንን ስናቆም ነው’ ብሎን ነበር። ለሌሎች ለመስጠት የቻልነውን ሁሉ ጥረት እናደርጋለን፤ ይህም በራሳችን ችግር ላይ ብቻ በማተኮር በጭንቀት እንዳንዋጥ ይረዳናል። ይሖዋ የዚህ ትልቅ ቤተሰብ አባል እንድሆን ስላደረገኝ በጣም አመስጋኝ ነኝ።

ምን እንደሚጠብቅህ ባታውቅም አዎንታዊ አመለካከት ይዘህ እንድትቀጥል የረዳህ ምንድን ነው?

ነገ ምን እንደሚመጣ ማወቅ አልችልም፤ ሊያጋጥመኝ ለሚችለው ነገር ሁሉ መዘጋጀትም አልችልም። ሆኖም የይሖዋ ሞገስ እንደማይለየኝና በመንፈሳዊው ጦርነት ላይ እንደሚረዳኝ ምንጊዜም እርግጠኛ መሆን እችላለሁ። በተጨማሪም ለአፍቃሪው አምላኬ ለይሖዋ ራሴን በደስታ እስካቀረብኩ ድረስ፣ ማንም ሰው ወይም ምንም ነገር ደስታዬን ሊያሳጣኝ አይችልም።

“የዘላለም ዓለት” የሆነው ይሖዋ “ሙሉ በሙሉ [በእሱ] የሚመኩትን” ምንጊዜም እንደሚጠብቃቸውና ‘ዘላቂ ሰላም እንደሚሰጣቸው’ ሙሉ እምነት አለን።—ኢሳይያስ 26:3, 4

የክሱ ሂደት

ሰኔ 28, 2021

የወንጀል ክስ ተመሠረተበት
ሐምሌ 8, 2021

ቤቱ ተፈተሸ። በቁጥጥር ሥር ዋለ
ሐምሌ 9, 2021

ማረፊያ ቤት እንዲገባ ተደረገ
ኅዳር 25, 2021

ከማረፊያ ቤት ወጥቶ የቁም እስረኛ እንዲሆን ተደረገ
ሰኔ 21, 2022

ከቁም እስር ነፃ ሆነ፤ የጉዞ እገዳ ተጣለበት
መስከረም 26, 2022

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች