ጥቅምት 26, 2022| የታደሰው፦ ኅዳር 22, 2022
ሩሲያ

ወቅታዊ መረጃ—ወንድም ተፈረደበት | “በአምላክ እርዳታ የማልወጣው ነገር የለም”

አጫውት

ኅዳር 21, 2022 በቼልያቢንስክ ክልል የሚገኘው የአሻ ከተማ ፍርድ ቤት ወንድም አንድሬ ፐርሚኖቭ ጥፋተኛ ነው የሚል ውሳኔ አስተላልፏል፤ የስድስት ዓመት የገደብ እስራትም በይኖበታል። በእርግጥ አሁን ወህኒ አይወርድም።

የክሱ ሂደት

ሰኔ 11, 2021

በአሻ እና በሚንያር ከተማ የሚኖሩ አምስት የይሖዋ ምሥክሮች ቤተሰቦች ቤት ተፈተሸ፤ የእነአንድሬ ቤት አንዱ ነው። ፖሊሶች በርካታ የግል ንብረቶቻቸውን ወረሱ
ኅዳር 10, 2021

የጉዞ እገዳ ተጣለበት
ሚያዝያ 27, 2022

የጽንፈኛ ድርጅት አባል ነህ ተብሎ ተከሰሰ፤ ከዚያም በአሸባሪዎች ዝርዝር ውስጥ ተካተተ
ሰኔ 6, 2022

ክሱ በፍርድ ቤት መታየት ጀመረ

አጭር መግለጫ

አንድሬ ፐርሚኖቭ

የትውልድ ዘመን፦ 1972 (አሻ)

ግለ ታሪክ፦ በሕፃንነቱ ሮጦ የማይጠግብ ልጅ ነበር፤ በኋላ ግን በሕመም ምክንያት በተሽከርካሪ ወንበር ለመንቀሳቀስ ተገደደ። ትምህርቱን ከጨረሰ በኋላ በአካል ጉዳተኞች ማኅበር ውስጥ የሒሳብ ሠራተኛ ሆኖ ሠርቷል። አሁን የኮምፒውተር ፕሮግራመር እና የድረ ገጽ ባለሙያ ሆኖ ይሠራል

ገና ከትንሽነቱ አንስቶ የሕይወት ዓላማ ያሳስበው ነበር። በ1995 ከይሖዋ ምሥክሮች ጋር መጽሐፍ ቅዱስን ማጥናት ጀመረ። በ1999 ተጠመቀ። በ2015 ከናታሊያ ጋር ተጋቡ

የሰጠው ሐሳብ

ያበረታታህ የመጽሐፍ ቅዱስ ታሪክ አለ?

ከተወሰነ ጊዜ በፊት መርማሪው በወንጀል እንደምከሰስ ነግሮኝ ነበር። ይህን ስሰማ ተረበሽኩ፤ በጣም ተጨነቅኩ። የሚገርመው ግን ያንኑ ዕለት እኔና ባለቤቴ ዳዊት ስለገጠመው አስጨናቂ ሁኔታ የሚገልጽ ታሪክ አንብበን ነበር። አማሌቃውያን የጺቅላግ ከተማን ወርረው ያገኙትን ሰው ሁሉ ማርከው ወሰዱ፤ በዚህ ጊዜ ዳዊት ‘ለማልቀስ አቅም እስኪያጣ ድረስ አለቀሰ።’ ዳዊት ‘እጅግ ተጨንቆ’ ነበር፤ ሆኖም “በአምላኩ በይሖዋ ራሱን አበረታ።” (1 ሳሙኤል 30:4, 6) ከዳዊት ታሪክ እንደተማርኩት በአምላክ እርዳታ የማልወጣው ነገር የለም። አዎ ስማችን ሊጠፋ፣ ውስጣዊ ሰላማችንንም ልናጣ እንችላለን፤ ሆኖም ምንም ይሁን ምን አባታችን ይረዳናል።

እኛም እንደ አንድሬ ይሖዋ የጥንት ታማኝ አገልጋዮቹን እንዴት እንደደገፋቸው በማሰብ ብርታት ማግኘት እንችላለን። ይሖዋ “ከዚህ ቀደም እንዳደረግኩት እሸከማችኋለሁ፣ እደግፋችኋለሁ እንዲሁም እታደጋችኋለሁ” በማለት በገባው ቃል ላይ ሙሉ እምነት አለን።—ኢሳይያስ 46:4

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች