ጥር 6, 2023 | የታደሰው፦ ሚያዝያ 19, 2023
ሩሲያ

ወቅታዊ መረጃ—ወንድም ተፈረደበት | “በይሖዋ ላይ ያለኝ እምነት ተጠናክሯል”

አጫውት

ሚያዝያ 18, 2023 በስታቭሮፖል ግዛት የሚገኘው የኔቪኖሚስኪ ከተማ ፍርድ ቤት፣ ወንድም ሰርጌ ኩዝኔትሶቭ ጥፋተኛ ነው የሚል ብይን አስተላልፏል፤ የስድስት ዓመት የገደብ እስራትም ተፈርዶበታል። በአሁኑ ወቅት ወህኒ አይወርድም።

አጭር መግለጫ

ሰርጌ ኩዝኔትሶቭ

የትውልድ ዘመን፦ 1959 (አጋዲር፣ ካዛክስታን)

ግለ ታሪክ፦ የአጥንት መቅኒ በሽታ እንዳለበት ከመታወቁ በፊት በአንድ የኤሌክትሪክ ጣቢያ የፈረቃ ተቆጣጣሪ ሆኖ ይሠራ ነበር። ከአንጎሉ ላይ እጢ ለማውጣት ሁለት ጊዜ ቀዶ ሕክምና ተደርጎለታል። ከዚያ በኋላ የማየትና የመንቀሳቀስ ችሎታው ተገድቧል

ሰዎች ላይ የሚደርሰው መከራ ምን ያህል ኢፍትሐዊ እንደሆነ ማሰብ ጀመረ። በኋላ ላይ የይሖዋ ምሥክሮች አገኙትና የመጽሐፍ ቅዱስን እውነቶች በመንገር አጽናኑት። በ1993 ተጠመቀ። የሚንከባከቡት ለአካለ መጠን የደረሱ ሁለት ሴቶች ልጆች አሉት

የሰጠው ሐሳብ

በዚህ ወቅት ከይሖዋ ጋር ያለህ ወዳጅነት የተጠናከረው እንዴት ነው?

የአካል ጉዳተኛ በመሆኔ ሁሉ ነገር አዳጋች ነው። ሆኖም በይሖዋ ላይ ያለኝ እምነት ተጠናክሯል። ይሖዋ ፈጽሞ ባልጠበቅኩት መንገድ እየረዳኝ ነው። “መንገድህን ለይሖዋ አደራ ስጥ፤ በእሱ ታመን፤ እሱም ለአንተ ሲል እርምጃ ይወስዳል” የሚለው የመዝሙር 37:5 ጥቅስ እውነት መሆኑን በራሴ ሕይወት አይቻለሁ። የእሱ ፍቅርና እንክብካቤ ተስፋ እንዳልቆርጥ ትልቅ ኃይል ሆኖኛል።

ይሖዋ ሰርጌን የተንከባከበበትን መንገድ ስንመለከት በእርግጥም እሱ ‘ጭንቃችንን ሁሉ’ እንደሚያይ እንዲሁም ማንኛውም ፈተና ቢያጋጥመን ‘እንደሚያነሳንና እንደሚሸከመን’ ይበልጥ እንተማመናለን።—ኢሳይያስ 63:9

የክሱ ሂደት

ኅዳር 21, 2018

ኔቪኖሚስኪ ከተማ ውስጥ የሰርጌን ቤት ጨምሮ በበርካታ የይሖዋ ምሥክሮች ቤቶች ላይ የብርበራ ዘመቻ ተካሄደ
ታኅሣሥ 12, 2019

የወንጀል ክስ ተመሠረተበት
ሰኔ 18, 2020

በጽንፈኝነት የተፈረጁ ሰዎች ዝርዝር ውስጥ ተካተተ
ግንቦት 31, 2022

የጉዞ ክልከላዎች ተጣሉበት
መስከረም 7, 2022

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች