ኅዳር 25, 2022| የታደሰው፦ ታኅሣሥ 8, 2022
ሩሲያ

ወቅታዊ መረጃ—ወንድም ተፈረደበት | “ብቻችንን እንዳልሆንን እናውቃለን”

አጫውት

ታኅሣሥ 7, 2022 በቼልያቢንስክ ከተማ የሚገኘው የሜታለርጂቼስኪ አውራጃ ፍርድ ቤት፣ በወንድም ቫዲም ጊዛቱሊን ላይ የጥፋተኝነት ብይን አስተላልፏል። ቫዲም የሁለት ዓመት የገደብ እስራት ተፈርዶበታል። በእርግጥ በአሁኑ ወቅት ወህኒ አይወርድም።

አጭር መግለጫ

ቫዲም ጊዛቱሊን

የትውልድ ዘመን፦ 1968 (ዝላቱስት፣ ቼልያቢንስክ ክልል)

ግለ ታሪክ፦ የኤሌክትሪክ ባለሙያ ነው

በ1992 ከታትያና ጋር ተጋቡ። አንዲት ልጅ አለቻቸው

ከይሖዋ ምሥክሮች ጋር ማጥናት የጀመረችው ታትያና ነች። ከዚያ ብዙም ሳይቆይ ቫዲምም ማጥናት ጀመረ። ታትያና በ2006፣ ቫዲም ደግሞ በ2007 ተጠመቁ

የሰጠው ሐሳብ

በዚህ አስቸጋሪ ጊዜ የይሖዋን ድጋፍ ያየኸው እንዴት ነው?

መጽሐፍ ቅዱስን አዘውትረን እንድናነብና ጊዜ መድበን እንድናሰላስል ሁልጊዜ ማሳሰቢያ ይሰጠናል፤ እኔና ታትያናም ይህን ማሳሰቢያ ስለምንከተል የይሖዋን እጅ በብዙ ጉዳዮች ላይ ማየት ችለናል። ብቻችንን እንዳልሆንን እናውቃለን። ይሖዋ ምን እንደሚያስፈልገን ያውቃል፤ መጽሐፍ ቅዱስን እንዲሁም ወንድሞቻችንን እና እህቶቻችንን ተጠቅሞም የሚያስፈልገንን እገዛ ያደርግልናል። የወንድሞቻችን እና የእህቶቻችን ጸሎት እንዲሁም የሚሰጡን ማበረታቻ ለስደት ተገቢው አመለካከት እንዲኖረን ረድቶናል። ልክ ኤልሳዕ እንዳለው “ከእነሱ ጋር ካሉት ከእኛ ጋር ያሉት ይበልጣሉ።”—2 ነገሥት 6:16

እኛም ፈተናዎች ሲያጋጥሙን መቼም ብቻችንን እንዳልሆንን እርግጠኞች እንሁን። ይሖዋ ታማኝ አገልጋዮቹን ፈጽሞ አይተዋቸውም።—መዝሙር 9:9, 10

የክሱ ሂደት

መጋቢት 26, 2019

በወንድም ቭላድሚር ሱቮሮቭ ላይ ከተከፈተው የክስ መዝገብ ጋር ተያይዞ መኖሪያ ቤቱ ተፈተሸ
ነሐሴ 31, 2021

በቫዲም ላይ ክስ ተመሠረተበት። በታገደ ሃይማኖታዊ ድርጅት እንቅስቃሴ ተሳትፈሃል ተብሎ ተከሰሰ
ጥቅምት 22, 2021

መኖሪያ ቤቱ ለሁለተኛ ጊዜ ተፈተሸ። ቫዲምና ባለቤቱ ለምርመራ ተወሰዱ
ሐምሌ 14, 2022

የጉዞ እገዳ ተጣለበት
ነሐሴ 18, 2022

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች