መስከረም 30, 2022
ሩሲያ

ወቅታዊ መረጃ—ወንድም ተፈረደበት | አዎንታዊ አመለካከት መያዝ ተስፋ ላለመቁረጥ ይረዳል

አጫውት

ጥቅምት 10, 2022 በካባረቭስክ ክልል የሚገኘው የሶልኔችኒይ አውራጃ ፍርድ ቤት በወንድም ቦሪስ ያጎቪቶቭ ላይ ብይን አስተላልፏል። የአምስት ዓመት የገደብ እስራት ተፈርዶበታል። ቦሪስ ማረፊያ ቤት ዘጠኝ ወራት ቆይቷል። ከፍርዱ በኋላ ወዲያውኑ የተለቀቀ ሲሆን በአሁኑ ወቅት ወኅኒ አይወርድም።

የክሱ ሂደት

ታኅሣሥ 14, 2020

መርማሪዎቹ፣ ስለ መጽሐፍ ቅዱስ የማወቅ ፍላጎት ያለው መስሎ የቀረበ አንድ ፖሊስና ቦሪስ ያደረጉትን ውይይት የድምፅ ቅጂ መረመሩ
ግንቦት 14, 2021

ቦሪስ የወንጀል ክስ ተመሠረተበት። የጽንፈኛ ድርጅት ስብሰባ ላይ በመገኘትና አዳዲስ አባላትን በመመልመል ወንጀል ተከሰሰ
ሰኔ 5, 2021

ቤታቸው በተፈተሸበት ወቅት እሱና ናታሊያ ምርመራ ተደረገባቸው። ከዚያም ቦሪስ ማረፊያ ቤት እንዲገባ ተደረገ
ሰኔ 7, 2021

ከማረፊያ ቤት ተለቅቆ የቁም እስረኛ ተደረገ
ታኅሣሥ 29, 2021

ክሱ በፍርድ ቤት መታየት ጀመረ። በፍርዱ ሂደት ወቅት አቃቤ ሕጉ ቦሪስ የቁም እስረኛ እያለ አንዳንድ ደንቦችን ስለጣሰ ማረፊያ ቤት እንዲገባ ጥያቄ አቀረበ። በመሆኑም ባለሥልጣናቱ ማረፊያ ቤት አስገቡት
የካቲት 24, 2022

መርማሪዎቹ አንዳንድ ደንቦችን ስለጣሱ ጉዳዩ ወደ አቃቤ ሕግ ቢሮ ተመለሰ። ያም ቢሆን ቦሪስ ከማረፊያ ቤት አልተለቀቀም
ሰኔ 9, 2022

የክሱ ሂደት ቀጠለ

አጭር መግለጫ

ቦሪስ ያጎቪቶቭ

የትውልድ ዘመን፦ 1972 (ኩርጋን፣ ኩርጋን ክልል)

ግለ ታሪክ፦ በባቡር ሐዲድ ድርጅት ውስጥ አንጥረኛ ሆኖ ሠርቷል

በ1996 ከናታሊያ ጋር ትዳር መሠረተ። ሁለቱም ስለ መጽሐፍ ቅዱስ ማወቅ ይፈልጉ ነበር፤ ከይሖዋ ምሥክሮች ጋር አጠኑ። በ1997 ተጠመቁ

የቦሪስ ሚስት ናታሊያ የሰጠችው ሐሳብ a

ቦሪስ አዎንታዊ አመለካከት እንዲይዝ የረዳው ምንድን ነው?

ያለበትን ሁኔታ እንደ አዲስ ምድብ አድርጎ ይመለከተዋል። የተለያዩ ነገሮች ለምሳሌ አበባ ሲፈካ በመስኮቱ አሻግሮ መመልከት፣ ሣር ሲታጨድ የሚኖረው ሽታ ወይም ድመት በመስኮቱ ሥር ስታልፍ ማየት ያስደስተዋል። የሚተኛበት ፍራሽ ስላገኘ እንኳ ይሖዋን ያመሰግናል።

አንቺስ ተስፋ እንዳትቆርጪ የረዳሽ ምንድን ነው?

በቂ እረፍት በማድረግና አሉታዊ ሐሳቦች እንዲቆጣጠሩኝ ባለመፍቀድ ሚዛኔን ለመጠበቅ እጥራለሁ። ተስፋ የመቁረጥ ስሜት ሲሰማኝ ስሜቴን አምቄ አልይዝም። አዝናለሁ፣ አለቅሳለሁ፣ ወጣ ብዬ በእግሬ እንሸራሸራለሁ፣ የሚጣፍጥ ምግብ እሠራለሁ፣ የሆነ ነገር ለመፍጠር እሞክራለሁ ወይም አነብባለሁ። ይሖዋ በየዕለቱ ሸክሜን እየተሸከመልኝ እንደሆነ እርግጠኛ ነኝ።—መዝሙር 68:19

ቦሪስና ናታሊያ ጽድቅ በሆነውና ምስጋና በሚገባው ነገር ላይ በማተኮር ረገድ ጥሩ ምሳሌ ይሆኑናል። ‘የሰላም አምላክ’ ከእነሱ ጋር እንደሚሆን እርግጠኞች ነን።—ፊልጵስዩስ 4:8, 9

a ይህ ዜና በተዘጋጀበት ወቅት ወንድም ቦሪስ ያጎቪቶቭ ማረፊያ ቤት በመሆኑ የእሱን አስተያየት ማግኘት አልተቻለም።

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች