ሚያዝያ 26, 2023 | የታደሰው፦ ጥቅምት 3, 2023
ሩሲያ

ወቅታዊ መረጃ—ወንድም ተፈረደበት | ‘ይሖዋ በሁለት እጆቹ ይዞናል’

አጫውት

መስከረም 28, 2023 የፕሮኮፕዬቭስክ አውራጃ ማዕከላዊ ፍርድ ቤት ወንድም ዩሪ ችዬርኒክ ጥፋተኛ ነው በማለት ለሦስት ዓመት የጉልበት ሥራ እንዲሠራ ፈርዶበታል። a አሁን ወህኒ አይወርድም።

አጭር መግለጫ

ዩሪ ችዬርኒክ

የትውልድ ዘመን፦ 1975 (ኪሞቭስክ፣ ቱላ ክልል)

ግለ ታሪክ፦ ከ20 ለሚበልጡ ዓመታት የድንጋይ ከሰል በማውጣት ሥራ ይተዳደር ነበር

በ2006 ከየሌና ጋር ትዳር መሠረቱ። ሦስት ወንዶች ልጆች አሏቸው

በመጽሐፍ ቅዱስ ላይ የሚገኙት ትንቢቶች ትክክለኛነት አስገረመው። በ2007 ተጠምቆ የይሖዋ ምሥክር ሆነ

የሰጠው ሐሳብ

በዚህ ወቅት ለአንተ የተለየ ትርጉም የሰጠህ የመጽሐፍ ቅዱስ ትርጉም አለ?

ኢሳይያስ 30:15 ስደቱ ከጀመረበት ጊዜ አንስቶ ረድቶኛል። ጥቅሱ ላይ ይሖዋ “ሳትረበሹ፣ ተማምናችሁ በመኖር ብርቱ መሆናችሁን ታሳያላችሁ” ብሏል። እኔና ባለቤቴ ለምርመራ ስንወሰድ ስለ ቤተሰቤ ጸልዬ ነበር። በዚያ ቅጽበት፣ የባሕር ዳርቻን እንደሚያለብስ ሞገድ በውስጤ ሰላምና መረጋጋት ሲሰፍን ተሰማኝ። በዚህ ሁሉ ውስጥ እኔና ቤተሰቤ፣ ይሖዋ በሁለት እጆቹ ይዞ እየደገፈንና እያበረታን እንደሆነ ማየት ችለናል።

እነዚህ ተፈታታኝ ሁኔታዎች የትኛውን ባሕርይ እንድታዳብር ረድተውሃል?

ትዕግሥት ማሳየት ይከብደኝ ነበር፣ ያጋጠሙኝ ሁኔታዎች ግን ይህን ባሕርይ እንዳሻሽል እየረዱኝ ነው። ይሖዋ ለጸሎቴ መልስ የሚሰጠኝ በተገቢው ጊዜ መሆኑን ተምሬአለሁ።

ይሖዋ ታማኝ አገልጋዮቹ በታማኝነት ለመጽናት ጥረት ሲያደርጉ ምንጊዜም ‘ሰላማቸውን እንደ ወንዝ’ እንደሚያበዛላቸው ሙሉ እምነት አለን።—ኢሳይያስ 48:18

የክሱ ሂደት

ሐምሌ 12, 2020

ቤታቸው ተፈተሸ። ዩሪ እና የሌና ምርመራ ተካሄደባቸው
ኅዳር 5, 2021

የወንጀል ክስ ተመሠረተባቸው
ኅዳር 10, 2021

ለሁለተኛ ጊዜ ቤታቸው ተፈተሸ
ሚያዝያ 26, 2022

ዩሪ የጉዞ እገዳ ተጣለበት
ሐምሌ 18, 2022

ክሱ በፍርድ ቤት መታየት ጀመረ

a የጉልበት ሥራ እንዲሠራ የተፈረደበት ሰው፣ ባለሥልጣናቱ የሚሰጡትን ሥራ ማከናወን ያለበት ሲሆን ከ5 እስከ 20 በመቶ የሚሆነው የደሞዙ ክፍል ለመንግሥት ገቢ ይደረጋል። ባለሥልጣናቱ ፍርደኛው ተባባሪ እንዳልሆነ ወይም ለመሥራት ፈቃደኛ እንዳልሆነ ከወሰኑ ሰውየው ወህኒ ይወርዳል።

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች