ሐምሌ 11, 2023 | የታደሰው፦ ኅዳር 9, 2023
ሩሲያ

ወቅታዊ መረጃ—ወንድም ተፈረደበት | ‘ይሖዋ ፈጽሞ አይተወኝም’

አጫውት

ኅዳር 7, 2023 በፕሪሞርይስ ግዛት የሚገኘው የፖዣርስኪ አውራጃ ፍርድ ቤት፣ ወንድም ቫለሪ ቭያዝኒኮቭ ጥፋተኛ ነው የሚል ውሳኔ አስተላልፏል። ወንድም ቫለሪ የሁለት ዓመት ከስድስት ወር የገደብ እስራት ተበይኖበታል። አሁን ወህኒ አይወርድም።

አጭር መግለጫ

ቫለሪ ቭያዝኒኮቭ

ትውልድ፦ 1963 (ስሬድኒ ኡርጋል፣ ካባረቭስክ ክልል)

ግለ ታሪክ፦ በከሰል ማዕድን ማውጫ ከዚያም በኃይል ማመንጫ ተቋም ውስጥ ሠርቷል

በ1991 ከማሪና ጋር ትዳር መሠረተ። አራት ልጆች ወልደዋል

በ1993 ከይሖዋ ምሥክሮች ጋር መጽሐፍ ቅዱስን ማጥናት ጀመሩ። የመጽሐፍ ቅዱስ ትንቢቶች መፈጸም፣ መጽሐፍ ቅዱስ እምነት የሚጣልበት መጽሐፍ መሆኑን አሳመነው። በ1994 ተጠመቁ

የሰጠው ሐሳብ

በዚህ አስቸጋሪ ጊዜ በጣም ያበረታታህ የመጽሐፍ ቅዱስ ጥቅስ የትኛው ነው?

አንድ ቀን በጣም ስለተጨነቅኩ ወደ ይሖዋ ጸለይኩ። በዚያኑ ዕለት አንድ ወዳጄ የተለያዩ ጥቅሶችን ያካተተ መልእክት ላከልኝ። ከጥቅሶቹ መካከል ኤርምያስ 31:3 ይገኝበታል። በዚህ ጥቅስ ላይ ይሖዋ ‘በዘላለማዊ ፍቅር እንደሚወደን’ ይናገራል። ይህ ሐሳብ በጣም ነካኝ። ይሖዋ ፈጽሞ እንደማይተወኝ እንዳስታውስ ረዳኝ። ይሖዋ በእርግጥም አሳቢ፣ አፍቃሪና ሩኅሩኅ አምላክ ነው።

እኛም ልክ እንደ ቫለሪ የአምላክ ቃል ባለው ኃይል ላይ ምንጊዜም ከተማመንን የሚያጋጥሙንን መከራዎች ሁሉ በጽናት እንደምንቋቋም መተማመን እንችላለን።—ዕብራውያን 4:12

የክሱ ሂደት

2018

መርማሪዎች በሉቺጎርስክ ከተማ የሚገኙ የይሖዋ ምሥክሮችን በድብቅ መከታተል ጀመሩ። አንድ ሰላይ ስለ መጽሐፍ ቅዱስ ማወቅ የሚፈልግ መስሎ በአካባቢው ያሉ የይሖዋ ምሥክሮችን በመቅረብ ከእነሱ ጋር ያደረገውን ውይይት በድብቅ ቀዳ
ሐምሌ 16, 2021

ቫለሪ የክስ ፋይል ተከፈተበት። ክሱ ‘እገዳ በተጣለበት ድርጅት እንቅስቃሴዎች እንዲሳተፉ ሌሎችን አነሳስቷል’ የሚል ነበር
ታኅሣሥ 5, 2022

የጉዛ እገዳዎች ተጣሉበት
የካቲት 9, 2023

ክሱ በፍርድ ቤት መታየት ጀመረ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች