ሚያዝያ 25, 2023 | የታደሰው፦ ጥቅምት 23, 2023
ሩሲያ

ወቅታዊ መረጃ—ወንድም ተፈረደበት | “ደስታ ወደፊት የሚያንደረድረኝ ሞተር ነው”

አጫውት

ጥቅምት 23, 2023 በኬሜሮቮ ክልል የሚገኘው የዛቮድስኪ አውራጃ ፍርድ ቤት፣ ወንድም ቭላዲሚር ባይካሎቭ ጥፋተኛ ነው በማለት የስድስት ዓመት የገደብ እስራት ፈርዶበታል። አሁን ወህኒ አይወርድም።

አጭር መግለጫ

ቭላዲሚር ባይካሎቭ

የትውልድ ዘመን፦ 1963 (ክራፒቪንስኪ፣ ኬሜሮቮ ክልል)

ግለ ታሪክ፦ የይሖዋ ምሥክር ከመሆኑ በፊት ቦክሰኛ ነበር። በኋላ ላይ የስፖርት አሠልጣኝ እና የስታዲየም አስተዳዳሪ ሆኖ ሠርቷል

በ1984 ከኢሪና ጋር ትዳር መሠረተ። አንድ ወንድና አንዲት ሴት ልጅ አሏቸው

ኢሪና በ1995 መጽሐፍ ቅዱስን ማጥናት ጀመረች፤ በ1996 ተጠመቀች። ቭላዲሚር፣ የመጽሐፍ ቅዱስ መመሪያዎች በቤተሰቡ ላይ ያሳደሩትን በጎ ተጽዕኖ አስተዋለ። በደረሰበት ጉዳት የተነሳ ከስፖርቱ ዓለም ሲሰናበት ስለ ሕይወቱ ቆም ብሎ አሰበ፤ መጽሐፍ ቅዱስን ለማጥናትም ወሰነ። በ1999 ተጠመቀ

የሰጠው ሐሳብ

ለመጽናት የረዳህ የትኛው ባሕርይ ነው?

ደስታ ወደፊት የሚያንደረድረኝ ሞተር ነው፤ ተነሳሽነቴ እንዳይጠፋ ይረዳኛል። ስለዚህ ደስታዬን ላለማጣት የምችለውን ሁሉ አደርጋለሁ፦ በይሖዋ አገልግሎት ራሴን አስጠምዳለሁ፣ ይሖዋ በሰጠን ግሩም ተስፋዎች ላይም አሰላስላለሁ። እነዚህን ነገሮች ስለማደርግ ችሎት ፊት ስቀርብም እንኳ ፊቴ ላይ ደስታ ይነበባል።

ያጽናናህ የመጽሐፍ ቅዱስ ጥቅስ አለ?

ማርቆስ 13:11 ላይ ኢየሱስ በዳኞች ፊት ስንቀርብ ምን ማድረግ እንዳለብን ተናግሯል፤ “ምን እንላለን በማለት አስቀድማችሁ አትጨነቁ፤ ከዚህ ይልቅ በዚያች ሰዓት የሚሰጣችሁን ተናገሩ፤ የሚናገረው መንፈስ ቅዱስ እንጂ እናንተ አይደላችሁምና” ብሏል። ለመጀመሪያ ጊዜ ፍርድ ቤት በቀረብኩበት ወቅት ዳኛው የመከላከያ ሐሳብ ካለኝ እንድናገር ፈቀዱልኝ። የፍርድ ቤቱ ድባብ በጣም ያስፈራ ነበር። ሆኖም የይሖዋ መንፈስ ስለረዳኝ ተረጋግቼና በአክብሮት ሐሳቤን መግለጽ ቻልኩ። ይሖዋ፣ ድፍረትና ቁርጠኝነት በመስጠት ጸሎቴን እንደመለሰልኝ ተሰምቶኛል።

ይሖዋ ታማኝ አገልጋዮቹን በሙሉ እንደሚያበረታቸውና ፈተናዎችን በደስታ መቋቋም እንዲችሉ እንደሚረዳቸው እንተማመናለን።—ያዕቆብ 1:2, 3

የክሱ ሂደት

የካቲት 2, 2022

የክስ ፋይል ተከፈተ
የካቲት 3, 2022

መኖሪያ ቤቱ ተፈተሸ
ጥቅምት 26, 2022

ክስ ተመሠረተበት፤ የጉዞ እገዳም ተጣለበት
ኅዳር 30, 2022

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች