የካቲት 3, 2022 | የታደሰው፦ ሐምሌ 20, 2023
ሩሲያ

ወቅታዊ መረጃ—ወንድም ተፈታ | ወንድም አሌክሲ ኡክሆቭ መጽሐፍ ቅዱስን በየዕለቱ ማንበቡና ማሰላሰሉ በይሖዋ እንዲታመን ረድቶታል

አጫውት

ሐምሌ 18, 2023 የካባረቭስክ ክልል ፍርድ ቤት፣ በወንድም አሌክሲ ኡክሆቭ ላይ የተፈረደበት የስድስት ዓመት ተኩል እስራት ወደ ስድስት ዓመት ተኩል የገደብ እስራት እንዲለወጥ ወሰነ። አሌክሲ ውሳኔው ከተላለፈ ብዙም ሳይቆይ ከእስር ተፈትቷል።

መጋቢት 24, 2023 በካባረቭስክ ክልል የሚገኘው የሶቪየትስኮ ጋቫንስኪ ከተማ ፍርድ ቤት አሌክሲ ጥፋተኛ ነው የሚል ብይን አስተላልፏል። የስድስት ዓመት ተኩል እስራት ተበይኖበታል። ወዲያውኑ ወደ እስር ቤት ተወስዷል።

የክሱ ሂደት

ጥቅምት 22, 2020

የፌዴራል ደህንነት አባላት የወንድም ኡክሆቭን ቤት ፈተሹ። የኤሌክትሮኒክ መሣሪያዎችን፣ ፍላሽ ድራይቮችን፣ ሲም ካርዶችን፣ የባንክ ካርዶችን፣ የግል ሰነዶችን እንዲሁም የታተሙ ጽሑፎችን ወረሱ። መርማሪዎች አሌክሲን ማረፊያ ቤት አስገቡት
ጥቅምት 23, 2020

ፍርድ ቤቱ አሌክሲ ማረፊያ ቤት እንዲቆይ አዘዘ
ሐምሌ 9, 2021

ከማረፊያ ቤት ተለቀቀ፤ ሆኖም ታስሮበት ከነበረው ከኮምሶሞልስክ ኦን አሙር አካባቢ እንዳይወጣ ታዘዘ
መስከረም 6, 2021

ጉዳዩ በፍርድ ቤት መታየት ጀመረ

አጭር መግለጫ

አሌክሲ ኡክሆቭ

የትውልድ ዘመን፦ 1980 (ሎሶሲና)

ግለ ታሪክ፦ በወጣትነቱ በምትሐታዊ ድርጊት ተጠላልፎ ነበር። በአሥራዎቹ ዕድሜ እያለ ከይሖዋ ምሥክሮች ጋር መጽሐፍ ቅዱስን ካጠና በኋላ ከፍተኛ ለውጥ አደረገ። በ1996 ተጠመቀ። በ2003 ከሊሊያ ጋር ትዳር መሠረተ

የሰጠው ሐሳብ

ማረፊያ ቤት በነበርክበት ወቅት ደስታህን ለመጠበቅ የረዳህ ምንድን ነው?

መጽሐፍ ቅዱስን አዘውትሬ ማንበቤና ማሰላሰሌ ረድቶኛል። ልክ እስክሪብቶና ወረቀት እንዳገኘሁ ከእያንዳንዱ ምዕራፍ ያገኘሁትን ደስ የሚል ሐሳብ መጻፍ ጀመርኩ። . . . ማረፊያ ቤት በነበርኩበት ወቅት ሙሉውን መጽሐፍ ቅዱስ አንብቤ ጨርሼ ሁለተኛ ዙር ደግሞ እስከ ሆሴዕ መጽሐፍ ድረስ አንብቤያለሁ። ማንበቤና ማሰላሰሌ ከእስር ቤቱ ግድግዳ አሻግሬ እንዳስብ ረድቶኛል።

በማረፊያ ቤት ያሳለፍከው ነገር በይሖዋ ይበልጥ እንድትታመን የረዳህ እንዴት ነው?

እስር ቤት ከመግባቴ በፊት ከተለያዩ ነገሮች ጋር በተያያዘ በራሴ ብርታት እታመን እንደነበረ ግልጽ ሆነልኝ። . . . ብዙውን ጊዜ፣ በዕለት ተዕለት ሕይወቴ ለሚያጋጥሙኝ ነገሮች መፍትሔ ማግኘት እንደምችል እርግጠኛ ነበርኩ። አንድ ነገር ከተበላሸ እጠግነዋለሁ። የሚያስፈልገኝ ነገር ካለ እገዛለሁ። . . . አሁን ግን ባለሁበት አዲስ ሁኔታ ምክንያት የሚያጋጥሙኝን ችግሮች መፍታት የምችልበት ምንም መንገድ የለም። በይሖዋ መታመን ሲባል ሁሉንም ነገር በእሱ እጅ መተው ማለት እንደሆነ ተገንዝቤያለሁ።

አሌክሲ ‘በጽድቅ ለሚፈርደው ራሱን በአደራ በመስጠቱ’ ይሖዋ ወሮታ እንደሚከፍለው እርግጠኞች ነን።—1 ጴጥሮስ 2:23

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች