ኅዳር 24, 2022 | የታደሰው፦ ነሐሴ 21, 2023
ሩሲያ

ወቅታዊ መረጃ—ወንድም ታሰረ | ስደት ቢኖርም በመንፈሳዊ ንቁ ሆኖ ለመቀጠል ቆርጧል

አጫውት

ነሐሴ 18, 2023 የአልታይ ግዛት ፍርድ ቤት፣ በወንድም ፓቨል ካዛዴቭ ላይ ቀደም ሲል የተላለፈውን የገደብ እስራት ወደ ሦስት ዓመት እስራት ቀይሮታል። ከፍርድ ቤት ወዲያውኑ ወደ ወህኒ ተወስዷል።

ግንቦት 29, 2023 ባርኖል፣ አልታይ ግዛት ውስጥ የሚገኘው የኢንዱስትሪያልኒ አውራጃ ፍርድ ቤት፣ ወንድም ፓቨል ካዛዴቭ ጥፋተኛ ነው የሚል ብይን አስተላልፏል፤ የሦስት ዓመት የገደብ እስራትም በይኖበታል። በአሁኑ ወቅት ወህኒ አይወርድም።

አጭር መግለጫ

ፓቨል ካዛዴቭ

የትውልድ ዘመን፦ 1996 (ኡስት-ኢሊምስክ፣ ኢርኩትስክ ክልል)

ግለ ታሪክ፦ የእሳት አደጋ ደወልና የደህንነት ካሜራዎች ይገጥማል እንዲሁም ይጠግናል

በ2010 ተጠምቆ የይሖዋ ምሥክር ሆነ። ለውትድርና ሲመለመል አማራጭ የሲቪል አገልግሎት ለመስጠት ጠይቆ ፖስታ ቤት ውስጥ ሠርቷል

በ2020 ከዳርያ ጋር ተጋቡ

የሰጠው ሐሳብ

ስደት ባወጣኸው መንፈሳዊ ግብ ላይ ምን ተጽዕኖ አሳድሯል?

እኔና ባለቤቴ አገልግሎታችንን ማስፋት ስለፈለግን በመንግሥቱ ወንጌላውያን ትምህርት ቤት ለመማር ግብ አውጥተን ነበር። አሁን መታሰር፣ የፍርድ ቤት ጉዳይ የሚባለው ነገር ሲመጣ በቅርቡ እዚህ ግብ ላይ እንደማንደርስ ተገነዘብን። ሆኖም አንድ ወንድም ስለ ሁኔታችን አዲስ እይታ እንዲኖረን ረዳን። ሁኔታውን እንደ እንቅፋት ከመመልከት ይልቅ ከይሖዋ እንደተሰጠን አዲስ የአገልግሎት ምድብ አድርገን ልንመለከተው እንችላለን። በመንፈሳዊ ንቁ ሆነን ለመቀጠልና ካለንበት ሆነን በምንችለው ሁሉ ሌሎችን ለመርዳት ቆርጠናል።

የይሖዋ ሕዝቦች ፈተናዎች እያሉም ንቁና ደስተኛ ለመሆን የሚያደርጉትን ጥረት ማየት እምነት የሚያጠናክር ነው።—ማቴዎስ 5:11

የክሱ ሂደት

ግንቦት 11, 2021

የወንጀል ምርመራው ተጀመረ
ግንቦት 27, 2021

ፖሊሶች ያስጀመሩትን “አርማጌዶን” የተሰኘ ዘመቻ ተከትሎ በኖቮኩዝኔትስክ የሚገኘው የፓቨል መኖሪያና በሌላ አካባቢ የሚኖሩ ዘመዶቹ መኖሪያ ቤት ተፈተሹ። ፓቨል እና ባለቤቱ ለምርመራ ወደ ባርኖል ተወሰዱ፤ ባርኖል ከመኖሪያ ቤታቸው 350 ኪሎ ሜትር ርቀት ላይ የምትገኝ ከተማ ነች። ፓቨል በጽንፈኛ ድርጅት እንቅስቃሴ ተሳትፈሃል ተብሎ ተከሰሰ፤ ጣቢያ እንዲያድርም ተደረገ
ግንቦት 28, 2021

ከጣቢያ ተለቀቀ፤ የጉዞ ክልከላዎች ተጣሉበት
ነሐሴ 12, 2022

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች