ግንቦት 18, 2022 | የታደሰው፦ መጋቢት 12, 2024
ሩሲያ

ወቅታዊ መረጃ—ወንድም ታሰረ | ኢንቨር ሲዩኮቭ በብርታት ተሞልቷል

አጫውት

መጋቢት 7, 2024 በአድጄያ ሪፑብሊክ የሚገኘው የማይኮፕ ከተማ ፍርድ ቤት ወንድም ኢንቨር ሲዩኮቭ ጥፋተኛ ነው የሚል ብይን በማስተላለፍ በስድስት ዓመት እስራት እንዲቀጣ ወስኗል። ከሚያዝያ 2021 ጀምሮ ማረፊያ ቤት የነበረ ሲሆን እስራቱ በዚሁ ይቀጥላል።

የክሱ ሂደት

ሚያዝያ 15, 2021

በቪዲዮ ኮንፈረንስ ስብሰባ አድርጓል ተብሎ ተከሰሰ
ሚያዝያ 16, 2021

ፖሊሶች የኢንቨርን እና የሌሎች አራት የይሖዋ ምሥክሮችን ቤቶች ፈተሹ። ምርመራ ተደረገበት፤ ለጊዜው ጣቢያ ውስጥ እንዲቆይ ተደረገ
ሚያዝያ 17, 2021

ማረፊያ ቤት ተላከ
ነሐሴ 15, 2021

ከማይኮፕ 110 ኪሎ ሜትር ርቀት ላይ ወደሚገኝ ከፍተኛ ጥበቃ ወደሚደረግበት ማረፊያ ቤት ተላከ
መስከረም 13, 2021

ጉዳዩ በፍርድ ቤት መታየት ጀመረ

አጭር መግለጫ

ኢንቨር ሲዩኮቭ

የትውልድ ዘመን፦ 1974 (ማይኮፕ)

ግለ ታሪክ፦ የሒሳብ ሥራ ተምሯል። የባንክ ካሸርና የሒሳብ ባለሙያ ሆኖ ሠርቷል

በ1989 ከይሖዋ ምሥክሮች ጋር ማጥናት ጀመረ። ሐቀኝነታቸው አስገረመው። መስከረም 9, 1990 ተጠመቀ። ለታላቅ እህቱ የተማረውን እውነት ነገራት፤ በ1992 ተጠመቀች። ከቤተሰቡ አባላት መካከል የይሖዋ ምሥክሮች የሆኑት እህቱና ባለቤቷ ብቻ ናቸው

የኢንቨር የሥጋ እህት ዛሪዬታ ቹርዳ a የሰጠችው ሐሳብ

ኢንቨር በማረፊያ ቤት ቆይታው በጽናት እንዲቀጥል የረዳው ምንድን ነው?

እሱን ለመጠየቅ ለመጀመሪያ ጊዜ ማረፊያ ቤት በሄድንበት ወቅት ከጓደኞቹና ከቤተሰቡ መነጠሉ ምን ስሜት እንደፈጠረበት ጠይቄው ነበር። ፈገግ ብሎ እንዲህ አለኝ፦ “ፍተሻ ከተደረገብኝ ጊዜ ጀምሮ ይሖዋ በብርታት እንደሞላኝ ተሰምቶኛል፤ ልክ ፊኛ በአየር እንደሚሞላው።”

በተጨማሪም በየቀኑ ከዕብራይስጥ ቅዱሳን መጻሕፍት ሦስት ምዕራፍ፣ ከግሪክኛ ቅዱሳን መጻሕፍት ደግሞ አንድ ምዕራፍ ስለሚያነብ ጥሩ መንፈሳዊ ልማድ አለው። ሌሎች እስረኞችን ለማገዝም የቻለውን ያህል ይጥራል። በታሰረባቸው የመጀመሪያዎቹ ሁለት ወራት ሁለት እስረኞች ማጨስ እንዲያቆሙ መርዳት ችሏል።

አንቺና ባለቤትሽም ልትታሰሩ የምትችሉበት አጋጣሚ አለ፤ ታዲያ ምን ዝግጅት እያደረጋችሁ ነው?

ቱሪስቶች አንድን አገር ለመጎብኘት ሲጓዙ ከአንዳንድ በሽታዎች ራሳቸውን ለመጠበቅ ይከተባሉ። የእኔ “ክትባት” የመጽሐፍ ቅዱስ ጥቅሶች፣ መዝሙሮቻችንና የሚያበረታቱ ተሞክሮዎች ናቸው። በ2017 ሩሲያ ውስጥ የይሖዋ ምሥክሮች ሥራ ሲታገድ፣ አንዳንድ ገደቦች በተጣሉባቸው ሌሎች አገሮች ውስጥ ሥራው እንዴት እንደሚካሄድ የሚገልጹ የዓመት መጽሐፍ ሪፖርቶችን ደጋግሜ አነበብኩ። ወንድሞችና እህቶች የተለያዩ አደገኛ ሁኔታዎችን ተጋፍጠው በታማኝነት መጽናትና መስበካቸውን መቀጠል የቻሉት እንዴት እንደሆነ ማወቅ ፈልጌ ነበር።

እኔና ባለቤቴ ብንታሰር እንኳ ቁጭ ብለን እንደማንቆዝም ወስነናል። እስራቱን ይሖዋ እንደሰጠን ውድ የአገልግሎት ምድብ አድርገን ነው የምንቆጥረው፤ ሁኔታው ተፈታታኝ ቢሆንም እንኳ ይሖዋ ‘ወደ መቄዶንያ ተሻግራችሁ እርዱ’ ያለን ያህል ነው የሚሰማን።—የሐዋርያት ሥራ 16:9

ውድ የሩሲያ ወንድሞቻችንና እህቶቻችን ‘ከጌታና ከታላቅ ብርታቱ ኃይል ማግኘታቸውን እንደሚቀጥሉ’ እንተማመናለን።—ኤፌሶን 6:10

a ወንድም ሲዩኮቭ አሁን የሚገኘው ማረፊያ ቤት ስለሆነ የግል አስተያየቱን ማግኘት አልተቻለም።

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች