መስከረም 21, 2022 | የታደሰው፦ ጥር 2, 2023
ሩሲያ

ወቅታዊ መረጃ—ወንድም ታሰረ | ደስተኛ ለመሆን ምክንያት ማግኘት

አጫውት

ታኅሣሥ 28, 2022 በክራስኖያርስክ የሚገኘው የኦክትያቢርስኪ አውራጃ ፍርድ ቤት በወንድም አሌክሳንደር ፊላቶቭ ላይ የጥፋተኝነት ብይን አስተላልፏል። የስድስት ዓመት እስራት ተፈርዶበታል። ቀድሞ የጀመረው የእስር ጊዜ በዚያው ይጸናል።

የክሱ ሂደት

ሐምሌ 9, 2021

አሌክሳንደር የወንጀል ክስ ተመሠረተበት። የተከሰሰው የጽንፈኛ ድርጅትን እንቅስቃሴ አስተባብሯል በሚል ነው
ሐምሌ 11, 2021

ቤቱ ተፈተሸ
ሐምሌ 13, 2021

በቁጥጥር ሥር ውሎ ወደ አገር ውስጥ ጉዳይ ሚኒስቴር ተወሰደ
ሐምሌ 15, 2021

ወደ ማረፊያ ቤት ተወሰደ
ጥር 20, 2022

ክሱ በፍርድ ቤት መታየት ጀመረ

አጭር መግለጫ

አሌክሳንደር ፊላቶቭ

የትውልድ ዘመን፦ 1984 (ሻሪፖቮ፣ ክራስኖያርስክ ክልል)

ግለ ታሪክ፦ መሐንዲስና የኤሌክትሪክ ባለሙያ ሆኖ ሠርቷል

እውነትን የሰማው ከእናቱ ነው። በ1994 ተጠምቆ የይሖዋ ምሥክር ሆነ

በ2007 ከዬሌና ጋር ትዳር መሠረተ። ሁለት ወንዶች ልጆች አሏቸው

የአሌክሳንደር ሚስት ዬሌና የሰጠችው ሐሳብ a

አሌክሳንደር ማረፊያ ቤት ውስጥ ለመጽናት የረዳው ምንድን ነው?

አሌክሳንደር ያገኛቸውን በረከቶች በሙሉ በማስታወሻ ደብተር ላይ ይመዘግባል። በዚህ ደብተር ላይ ደስተኛ እንዲሆን የሚያደርጉትን ምክንያቶች ይጽፋል። የሚያጋጥሙትን ችግሮች አዎንታዊ ጎን ለማስተዋል ይጥራል። መጽሐፍ ቅዱስን ማንበቡና መጸለዩም ሚዛኑን ለመጠበቅ እንደረዳው ይናገራል።

እኔም አሌክሳንደርን ለመደገፍ የምችለውን አደርጋለሁ። ለእሱ ደብዳቤ ስጽፍ የሚያበረታታው ነገር ለመጥቀስ እሞክራለሁ፤ ለምሳሌ አንዳንድ ጥቅሶችን ሳነብ ያገኘሁትን ሐሳብ ወይም ወንድሞችና እህቶች የነገሩኝን የሚያበረታታ ሐሳብ እጽፍለታለሁ።

የአሌክሳንደር ምሳሌ ይሖዋ “በደስታና በሐሴት” የሚያገለግሉትን እንደሚባርክ የሚያሳይ ሕያው ማስረጃ ነው።—ዘዳግም 28:47

a ይህ ዜና በተዘጋጀበት ወቅት ወንድም አሌክሳንደር ፊላቶቭ ማረፊያ ቤት በመሆኑ የእሱን አስተያየት ማግኘት አልተቻለም።

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች