ኅዳር 8, 2022 | የታደሰው፦ ጥር 22, 2024
ሩሲያ

ወቅታዊ መረጃ—ወንድም ታሰረ | ጸሎትና የመጽሐፍ ቅዱስ ንባብ ጽኑ ያደርጋሉ

አጫውት

ጥር 17, 2024 በአድጄያ ሪፑብሊክ የሚገኘው የማይኮፕ ከተማ ፍርድ ቤት፣ ወንድም ኒኮላይ ሳፓሮቭ ጥፋተኛ ነው የሚል ብይን በማስተላለፍ የስድስት ዓመት እስራት ፈርዶበታል። ኒኮላይ ከመጋቢት 2022 ጀምሮ ማረፊያ ቤት የቆየ ሲሆን አሁንም እንደታሰረ ይቆያል።

የክሱ ሂደት

መጋቢት 22, 2022

የወንጀል ክስ ተመሠረተበት
መጋቢት 23, 2022

ኒኮላይ ከባለቤቱና ከልጁ ጋር አየር ማረፊያ ውስጥ ሳለ በቁጥጥር ሥር ዋለ። ፖሊሶች ከመረመሩት በኋላ የጽንፈኛ ድርጅትን እንቅስቃሴ አስተባብረሃል ብለው ከሰሱት። ከዚያም ወደ ጣቢያ ተወሰደ። ትንሽ ቆይቶም ቤቱ ተፈተሸ
መጋቢት 24, 2022

ኒኮላይ ወደ ማረፊያ ቤት ተዛወረ
ግንቦት 19, 2022

ክሱ በፍርድ ቤት መታየት ጀመረ

አጭር መግለጫ

ኒኮላይ ሳፓሮቭ

የትውልድ ዘመን፦ 1981 (ሴንት ፒተርስበርግ፣ ሌኒንግራድ ክልል)

ግለ ታሪክ፦ በአንድ የንግድ ድርጅት ውስጥ ተቆጣጣሪ ሆኖ ይሠራ ነበር

በ1997 ተጠምቆ የይሖዋ ምሥክር ሆነ። በ2004 ከናታሊያ ጋር ተጋቡ። አንዲት ልጅ አለቻቸው

የኒኮላይ ሚስት ናታሊያ የሰጠችው ሐሳብ a

ኒኮላይ ማረፊያ ቤት ውስጥ በጽናት እንዲቀጥል የረዳው ምንድን ነው?

ኒኮላይ በሦስት ወር ጊዜ ውስጥ መላውን መጽሐፍ ቅዱስ ሁለት ጊዜ አንብቦ ጨርሷል። ጥሩ ስሜት ላይ ነው ያለው። ብዙ ይጸልያል፤ ከይሖዋ ጋር ይበልጥ መቀራረብ እንደቻለም ነግሮናል። ኒኮላይ ከእኛ ደብዳቤ መቀበል ቢከለከልም የእሱ ደብዳቤዎች ሁልጊዜ ይደርሱናል። በጣም እንደሚወደንና እንደሚያስብልን ይነግረናል። ሲያሰላስልባቸው የነበሩ ነገሮችን እንዲሁም ይሖዋ በምን መንገድ እንደደገፈው ይጽፍልናል።

አንቺስ እንድትጸኚ የረዳሽ ምንድን ነው?

ባለቤቴ ከታሰረ ወዲህ እንድንጠይቀው የተፈቀደልን አንድ ጊዜ ብቻ ነው። መለያየት በጣም ከባድ ነገር ነው። ሁልጊዜ ጠዋት ላይ ዕለቱን የማሳልፈው ውዱ ባለቤቴ በሌለበት መሆኑን አስብና እንባዬ ድቅን ይላል። ልክ እንዲህ ሲሰማኝ መጀመሪያ የማደርገው ነገር ቢኖር እስክረጋጋ ድረስ መጸለይ ነው። ከዚያም መጽሐፍ ቅዱስ እያነበብኩ ቢያንስ አንድ ሰዓት አሳልፋለሁ። ይህም ይሖዋ ከአጠገቤ ያለ ያህል ልዩ ስሜት እንዲሰማኝ አድርጓል።

ከኒኮላይ ቤተሰብ ተሞክሮ እንደምንማረው ይሖዋ አገልጋዮቹ ‘እርዳታ ለማግኘት የሚያሰሙትን ጩኸት’ ሁልጊዜም ይሰማል።—መዝሙር 119:147

a ይህ ዜና በተዘጋጀበት ወቅት ወንድም ኒኮላይ ማረፊያ ቤት በመሆኑ የእሱን አስተያየት ማግኘት አልተቻለም።

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች