ነሐሴ 5, 2021
ሩሲያ

ወቅታዊ መረጃ | ወንድም አናቶሊ ጎርቡኖቭ ሳያሰልስ መጸለዩ ደስታውን እንዲጠብቅ ረድቶታል

አጫውት

ሰኔ 21, 2022 የክራስናያርስክ ክልል ፍርድ ቤት የወንድም አናቶሊ ጎርቡኖቭን ይግባኝ ውድቅ በማድረግ ቀደም ሲል የተላለፈበትን የጥፋተኝነት ብይን አጽንቷል። በቅርቡ ከማረፊያ ቤት ወደ ወህኒ እንደሚዛወር ይጠበቃል።

የካቲት 2, 2022 በክራስናያርስክ የሚገኘው የኦክትያቢርስኪ አውራጃ ፍርድ ቤት ወንድም አናቶሊ ጎርቡኖቭ ጥፋተኛ ነው በማለት የስድስት ዓመት እስራት ፈርዶበታል። ወዲያውኑ ወደ እስር ቤት ተወስዷል።

የክሱ ሂደት

የካቲት 9, 2021

ክሱ በፍርድ ቤት መታየት ጀመረ
መስከረም 15, 2020

የአናቶሊ ቤት ለሁለተኛ ጊዜ ተፈተሸ። ፖሊሶቹ የቤቱን ቁልፎች ወሰዱ
መጋቢት 25, 2020

በአናቶሊ ላይ የወንጀል ክስ ተመሠረተ። እገዳ የተጣለበትን ድርጅት ሃይማኖታዊ ስብሰባዎች በማደራጀት “ወንጀል” ተከሰሰ
ኅዳር 7, 2018

የአናቶሊ ቤት በማለዳ ተፈተሸ። ፖሊሶች ላፕቶፕ፣ ታብሌት፣ ፍላሽ ዲስክ፣ ሃርድ ዲስክ እና ሁለት ስልኮች ወረሱ። አናቶሊ ወደ ሩሲያ ፌዴሬሽን የምርመራ ኮሚቴ ቢሮ ተወስዶ ለአንድ ሰዓት ምርመራ ከተካሄደበት በኋላ ተለቀቀ

አጭር መግለጫ

አናቶሊ ጎርቡኖቭ

የትውልድ ዘመን፦ 1957 (ዲካንካ፣ ዩክሬን)

ግለ ታሪክ፦ የአየር መከላከያ የሬዲዮ ኤሌክትሮኒክስ ሥልጠና ከሚሰጥ ትምህርት ቤት ተመርቋል። በኢስቶኒያ እና በካዛክስታን ከሠራ በኋላ ለአምስት ዓመት ያህል በጦር ሠራዊት ውስጥ አገልግሏል። በ1978 ከገሊና ጋር ትዳር መሠረተ። ሁለት ልጆች አሏቸው

‘አምላክ አለ ወይ?’ የሚለው ጥያቄ ከልጅነቱ ጀምሮ ያሳስበው ነበር። ለዚህና ለሌሎች ወሳኝ ጥያቄዎች መልስ ካገኘ በኋላ እሱና ገሊና በ1996 ተጠምቀው የይሖዋ ምሥክሮች ሆኑ

የሰጠው ሐሳብ

በዚህ ፈተና ወቅት ይሖዋ ምን እንዲያደርግልህ ትጸልይ ነበር?

በጣም የከበደን ነገር ደስታችንን መጠበቅ ነበር፤ በመሆኑም ስለዚህ ጉዳይ አዘውትሬ እጸልይ ነበር። ኢየሱስ ክርስቶስ እና ሐዋርያው ጳውሎስ ደስታችንን ስለመጠበቅ በተናገሩት ሐሳብ ላይ ማሰላሰሌ እየደረሰብኝ ያለውን ነገር በአዎንታዊ መልኩ ለማየት ረድቶኛል።

በተጨማሪም ይሖዋ በእሱ ሙሉ በሙሉ ለመተማመን እንዲረዳኝ እጸልያለሁ። በኢሳይያስ 41:10 ላይ ብዙ ጊዜ አሰላስላለሁ፤ ይህም በጣም ጠቅሞኛል። የሚሰማኝን ጭንቀት ለመቀነስ በይሖዋ ይበልጥ መታመን እንዲሁም እሱ እንደሚደግፈኝና እንደሚጠብቀኝ በገባልኝ ቃል ላይ እምነት ማሳደር እንዳለብኝ ተገንዝቤያለሁ። እሱ እጄን እንደያዘኝ ሆኖ እንዲሰማኝ እጸልያለሁ።

አናቶሊና ቤተሰቡ አጥብቀው በመጸለይ በይሖዋ እንደሚታመኑ አሳይተዋል፤ እሱም እንደሚደግፋቸውና ደስታቸውን ለመጠበቅ እንደሚረዳቸው እንተማመናለን።—መዝሙር 25:1, 2