ኅዳር 18, 2021
ሩሲያ

ወቅታዊ መረጃ | ወንድም አንድሬ ሌድያኪን ከይሖዋና ከእምነት አጋሮቹ ጋር የመሠረተው ወዳጅነት አጠናክሮታል

አጫውት

ሚያዝያ 26, 2022 በቶምስክ ክልል የሚገኘው የሴቨርስኪ ከተማ ፍርድ ቤት ወንድም አንድሬ ሌድያኪን ጥፋተኛ ነው በማለት የ26 ወር እስራት በየነበት። ወዲያውኑ ወደ እስር ቤት ተወስዷል።

የክሱ ሂደት

ሐምሌ 12, 2021

የአንድሬ ክስ መታየት ጀመረ
መጋቢት 30, 2021

አንድሬ በጽንፈኝነት እንቅስቃሴ ተሳትፈሃል የሚል ክስ ተመሠረተበት
መጋቢት 29, 2021

አንድሬ የጉዞ ገደብ ተጣለበት
መጋቢት 25, 2021

አንድሬ የወንጀል ክስ ፋይል ተከፈተበት። ይህን ተከትሎም ከሥራው ተባረረ
ሐምሌ 14, 2020

አንድሬ ሥራ ቦታው እያለ የፌዴራል ደህንነት አባላትና ሌሎች ሁለት ፖሊሶች በቁጥጥር ሥር አዋሉት። በኋላ ላይ፣ ቤቱን ለ12 ሰዓታት ፈተሹ
መጋቢት-ሚያዝያ 2020

አንዲት የፌዴራል ደህንነት አባል፣ ስለ መጽሐፍ ቅዱስ የማወቅ ፍላጎት ያላት በመምሰል ከአንድሬ እንዲሁም ከሌሎች ወንድሞችና እህቶች ጋር ያደረገችውን ውይይት በድብቅ ትቀርጽ ነበር

አጭር መግለጫ

አንድሬ ሌድያኪን

የትውልድ ዘመን፦ 1988 (ሴቬርስክ፣ ቶምስክ ክልል)

ግለ ታሪክ፦ የበረዶ ላይ ሸርታቴ፣ መዋኘት እና በእግር መንሸራሸር ያስደስተዋል። የሒሳብ ባለሙያ ሆኖ ይሠራ ነበር

አያቱን በሞት ካጣ በኋላ ስለ ሞት፣ ስለ አምላክ እና ስለ ወደፊቱ ጊዜ ጥያቄዎች ተፈጠሩበት። አንድ ጓደኛው ስብሰባ ላይ እንዲገኝ ሲጋብዘው እያመነታ ግብዣውን ተቀበለ። ስብሰባ ላይ ሌሎች ያሳዩት ፍቅር በጣም ነካው። በ2013 ተጠመቀ። በአሁኑ ወቅት በቤተሰቡ ውስጥ የይሖዋ ምሥክር የሆነው እሱ ብቻ ነው

የሰጠው ሐሳብ

ከይሖዋ ጋር የመሠረትከው ወዳጅነት ጠንካራ እንድትሆን የረዳህ እንዴት ነው?

ይሖዋ በዚህ ጊዜ ሁሉ ከጎኔ አልተለየም። . . . እሱን በማገልገል ካሳለፍኳቸው ዓመታት ሁሉ የአሁኑን ያህል የእሱን እርዳታና ድጋፍ ያገኘሁበት ጊዜ የለም። መከራ የሚደርስብኝ ለስሙ ስል እንደሆነ ያውቃል፤ ደግሞም ይሖዋ ለእሱ ታማኝ የሆኑትን መቼም ቢሆን አይጥላቸውም። የይሖዋ ዓይነት ወዳጅ ከየት ይገኛል!

ከእምነት አጋሮችህ ጋር ያለህ ወዳጅነት ጠንካራ እንድትሆን የረዳህ እንዴት ነው?

የእምነት አጋሮቼ ያሳዩኝን ፍቅር ሳስብ አንዳንዴ አድናቆቴን ለመግለጽ እንኳ ቃላት ያጥረኛል። ባለንበት የወንድማማች ማኅበር ውስጥ “የራሱ ችግር ነው” የሚባል ነገር የለም። ሁሉም ወንድሞችና እህቶች፣ የሌላውን ችግር የራሳቸው ችግር አድርገው ነው የሚመለከቱት።

አንድሬ ብዙ ችግሮች ቢያጋጥሙትም “ልዩ በሆነ መንገድ” እንደተያዘ ማወቃችን ያበረታታናል።—መዝሙር 4:3