የካቲት 2, 2022
ሩሲያ

ወቅታዊ መረጃ | ወንድም አንድሬ ቭላሶቭ በተለያዩ እንቅስቃሴዎች መጠመዱ አዎንታዊ እንዲሆን ረድቶታል

አጫውት

ሐምሌ 26, 2022 የኬሜሮቮ ክልላዊ ፍርድ ቤት ወንድም አንድሬ ቭላሶቭ ያቀረበውን ይግባኝ ውድቅ አድርጓል። ወንድም አንድሬ አሁንም እስር ቤት ነው።

ግንቦት 23, 2022 በፕሮኮፕዬቭስክ ከተማ ያለው የማዕከላዊ አውራጃ ፍርድ ቤትአንድሬ ጥፋተኛ ነው የሚል ብይን ያስተላለፈ ሲሆን የሰባት ዓመት እስራት ፈርዶበታል። ወንድም አንድሬ ወዲያውኑ ወህኒ ወርዷል።

የክሱ ሂደት

ሐምሌ 2, 2020

አንድሬ የጽንፈኛ ድርጅትን እንቅስቃሴዎች በማደራጀት ተጠርጥሮ የወንጀል ክስ ተመሠረተበት
ሐምሌ 12, 2020

የፌዴራል ደህንነት አባላት በአንድሬ ቤትና የሥራ ቦታ ላይ ፍተሻ አካሄዱ። የኤሌክትሮኒክ መሣሪያዎችንና መጽሐፍ ቅዱሶችን ወረሱ። መርማሪዎች ባለቤቱን ናታሊያን ምርመራ ሲያካሂዱባት አንድሬ ወደ ማረፊያ ቤት ተላከ
ሐምሌ 14, 2020

ከማረፊያ ቤት ተለቆ በቁም እስር እንዲቆይ ተደረገ
ሰኔ 9, 2021

ጉዳዩ በፍርድ ቤት መታየት ጀመረ

አጭር መግለጫ

አንድሬ ቭላሶቭ

የትውልድ ዘመን፦ 1968 (ፕሮኮፕዬቭስክ፣ ኬሜሮቮ ክልል)

ግለ ታሪክ፦ ሥዕል እና ሙዚቃ ይወዳል። ፎቶግራፍ አንሺ ሆኖ ሠርቷል

ከታናሽ ወንድሙ ጋር መጽሐፍ ቅዱስን አጠና። በ1991 ተጠምቆ የይሖዋ ምሥክር ሆነ። በ2003 ከናታሊያ ጋር ትዳር መሠረተ

የሰጠው ሐሳብ

አዎንታዊ ለመሆን የረዳህ ምንድን ነው?

በተለያዩ እንቅስቃሴዎች መጠመዴ አዎንታዊ አመለካከት ለመያዝ ረድቶኛል። መጽሐፍ ቅዱስ አነብባለሁ፤ ለስብሰባዎች እዘጋጃለሁ፤ ድርጅታችን ያዘጋጃቸውን ቪዲዮዎች እመለከታለሁ፤ ሥዕል እሥላለሁ እንዲሁም በድምፅ የተቀዱ መጽሐፎችን አዳምጣለሁ። በተጨማሪም የቤት ውስጥ ሥራዎችን እሠራለሁ፤ ቼዝ እጫወታለሁ፤ የእጅ ሥራ እሠራለሁ እንዲሁም አእምሮን የሚያሠሩ ጨዋታዎችን እጫወታለሁ።

ክርስቲያን ወንድሞችህና እህቶችህ ያበረታቱህ እንዴት ነው?

ወንድሞችና እህቶች እንደሚጸልዩልኝ፣ የእኔ የእምነት ምሳሌ እንዳበረታታቸው እንዲሁም እነሱም ለይሖዋ ታማኝ ለመሆን እንደተነሳሱ ሲነግሩኝ እበረታታለሁ።

በተለየ መንገድ ልብህን የነኩት የመጽሐፍ ቅዱስ ጥቅሶች የትኞቹ ናቸው? ጥቅሶቹ የረዱህስ እንዴት ነው?

እኔና ባለቤቴ ቤታችን በፖሊሶች ሲፈተሽ፣ ምርመራ ሲደረግብን እንዲሁም በተደጋጋሚ ፍርድ ቤት ስንቀርብ ሁኔታውን ለመቋቋም የረዳን 1 ጴጥሮስ 4:12-14 ነው። . . . ጥቅሱን ጽፈን በደንብ በሚታይ ቦታ አስቀምጠነዋል። በቁም እስር ባለሁበት ወቅት እኔና ባለቤቴ በዚህ ጥቅስ ላይ እናሰላስላለን፤ ይህም ይሖዋ መቼም ቢሆን እንደማይተወን እንድናስታውስ ያደርገናል። ማረፊያ ቤት በነበርኩበት ወቅት ኢሳይያስ 40:10-13 አበረታቶኛል። በእነዚያ ቀናት የነበረኝ መረጋጋት ለተጨነቀው ልቤ እንደ ፈዋሽ ዘይት ሆኖልኛል።

ከአንድሬ እንዲሁም በሩሲያ እና በክራይሚያ ስደትን በደስታ እየተቋቋሙ ካሉት ሌሎች ወንድሞችና እህቶች ጋር አብሮ መሥራት እንዴት ያለ ታላቅ መብት ነው!—2 ቆሮንቶስ 1:24