ኅዳር 24, 2021
ሩሲያ

ወቅታዊ መረጃ | ወንድም አንድሬ ኮሌስኒቼንኮ ተፈጥሮን በማየት ብርታት አግኝቷል

አጫውት

ሰኔ 30, 2022 የቶምስክ ክልላዊ ፍርድ ቤት በወንድም አንድሬ ኮሌስኒቼንኮ ላይ ተላልፎ የነበረው የአራት ዓመት እስራት ፍርድ፣ በአራት ዓመት የገደብ እስራት እንዲቀየር ወስኗል። ወንድም አንድሬ ወዲያውኑ ከወህኒ ተለቅቋል።

ጥር 19, 2022 በቶምስክ ክልል የሚገኘው የሴቬርስኪ ከተማ ፍርድ ቤት አንድሬ ጥፋተኛ ነው በማለት የአራት ዓመት እስራት ፈረደበት።

የክሱ ሂደት

ሐምሌ 7, 2021

ክሱ መታየት ጀመረ
ግንቦት 21, 2021

በይሖዋ ምሥክሮች ስብሰባዎች ላይ ተሳትፈሃል የሚል ክስ ተመሠረተበት
መጋቢት 25, 2021

አንድሬ በወንጀል ተከሰሰ
ሐምሌ 14, 2020

የፌደራል ደህንነት አባላት በሴቬርስክ ከተማ የሚገኙ አምስት የይሖዋ ምሥክሮች ቤቶችን ፈተሹ፤ ከእነዚህ አንዱ የወንድም አንድሬ ኮሌስኒቼንኮ ቤት ነው

አጭር መግለጫ

አንድሬ ኮሌስኒቼንኮ

የትውልድ ዘመን፦ 1970 (ሴቬርስክ)

ግለ ታሪክ፦ ልጅ እያለ ሥዕል መሳል ይወድ ነበር። ከወንድሙ ጋር በአናጢነት ሙያ ይሠራ ነበር። በ1998 ከኦክሳና ጋር ትዳር መሠረተ

በ2001 ተጠምቆ የይሖዋ ምሥክር ሆነ

የሰጠው ሐሳብ

የተስፋ መቁረጥ ስሜት ሲሰማህ ምን ታደርጋለህ?

እኔና ባለቤቴ የተስፋ መቁረጥ ስሜት ሲመጣብን ደስተኞች እንድንሆን እንዲረዳን ይሖዋን እንለምነዋለን። ይሖዋ እንዲህ ባለው ወቅት ላቀረብነው ጸሎት ለየት ባለ መንገድ መልስ እንደሰጠን ይሰማናል። በፍጥረት ሥራዎቹ በተለይም በወፎች ተጠቅሞ መንፈሳችንን አነቃቅቶታል። በአካባቢያችን ባለ አንድ ጫካ ውስጥም በእግራችን እንንሸራሸራለን። እንዲህ በምናደርግበት ወቅት በይሖዋ የፍጥረት ሥራዎች እንደመማለን፤ ይህም ብርታት ይሰጠናል።

ያበረታቱህ የትኞቹ የመጽሐፍ ቅዱስ ጥቅሶች ናቸው?

በሉቃስ 21:12, 13 እና በፊልጵስዩስ 1:12-14 ላይ የሚገኘው ሐሳብ በጣም አበረታቶኛል። አሁን ያለሁበት ሁኔታ ለመመሥከር የሚያስችል ጥሩ አጋጣሚ ስለፈጠረልኝ በጣም ደስተኛ ነኝ። እነዚህ ጥቅሶች፣ ሌሎች የእኔን ምሳሌ በማየት እንደሚበረታቱ እንዳስታውስም ይረዱኛል።

ምንጊዜም በይሖዋ የሚታመኑት የሩሲያ ወንድሞቻችንና እህቶቻችን በተዉት ምሳሌ ላይ ስናሰላስል “የአምላክን ቃል ያለፍርሃት ለመናገር” ድፍረት እናገኛለን።—ፊልጵስዩስ 1:13, 14