ጥር 13, 2022
ሩሲያ

ወቅታዊ መረጃ | ወንድም ዬቭስቲግኔቭ በይሖዋ መተማመኑ ታማኝ እንዲሆን ረድቶታል

አጫውት

ነሐሴ 1, 2022 የኒዥኒ ኖቭጎሮድ ክልላዊ ፍርድ ቤት ወንድም ኪሪል ዬቭስቲግኔቭ ያቀረበውን ይግባኝ ውድቅ አድርጓል። እርግጥ በአሁኑ ወቅት ወህኒ አይወርድም።

ግንቦት 12, 2022 በኒዥኒ ኖቭጎሮድ ከተማ የሚገኘው የሌኒንስኪ አውራጃ ፍርድ ቤት ኪሪል ጥፋተኛ ነው በማለት የሦስት ዓመት የገደብ እስራት በየነበት።

የክሱ ሂደት

ጥቅምት 8, 2021

ጉዳዩ በፍርድ ቤት መታየት ጀመረ። ኪሪል ለዳኛው በሰጠው ሐሳብ ላይ ዝግጅቱ ማኅበራዊ እንጂ ሃይማኖታዊ እንዳልሆነ አብራራ
ነሐሴ 24, 2021

በኪሪል ላይ የጉዞ እገዳ ተጣለበት
መስከረም 2, 2020

ኪሪል የመሰብሰቢያ አዳራሹን በመከራየቱ “የጽንፈኝነት እንቅስቃሴዎችን በገንዘብ በመደገፍ” ተከሰሰ
ሐምሌ 11, 2019

ባለሥልጣናቱ በኪሪል ላይ ያተኮሩት ለመሰብሰቢያ አዳራሹ ውል የተፈራረመው እሱ ስለሆነ ነው፤ ቤቱ ተፈተሸ
ሰኔ 4, 2019

በዝግጅቱ ምክንያት “ማንነታቸው ባልተገለጸ” ሰዎች ላይ የወንጀል ምርመራ ተከፈተ
ሚያዝያ 2019

ኪሪል እና በኒዥኒ ኖቭጎሮድ የሚኖሩ ሌሎች የይሖዋ ምሥክሮች ለአንድ ማኅበራዊ ዝግጅት የመሰብሰቢያ አዳራሽ ተከራዩ

አጭር መግለጫ

ኪሪል ዬቭስቲግኔቭ

የትውልድ ዘመን፦ 1979 (ኒዥኒ ኖቭጎሮድ)

ግለ ታሪክ፦ የአየር ማመቂያ ማሽኖችን ይጠግናል። የመጽሐፍ ቅዱስን እውነቶች የተማረው ከእናቱ ነው። በጉባኤው ውስጥ ያሉ ክርስቲያኖች የሚያሳዩት መልካም ምግባር ማረከው። በ1998 ተጠመቀ። በ2002 ከአናስታሲያ ጋር ትዳር መሠረተ

የሰጠው ሐሳብ

በዚህ ወቅት ያበረታታህ የትኛው የመጽሐፍ ቅዱስ ታሪክ ናቸው?

የያዕቆብ ልጅ ዮሴፍ እኔ ካጋጠመኝም የበለጠ ከባድ ፈተና አጋጥሞታል፤ ሆኖም ጸንቷል እንዲሁም በይሖዋ ታምኗል። ስለ ዮሴፍ ምሳሌ እንዲሁም አምላክ እሱን ስለረዳበት መንገድ ማሰቤ ተስፋ እንዳልቆርጥ አበረታቶኛል።

ያጋጠመህ ነገር ስለ ይሖዋ ምን አስተምሮሃል?

የይሖዋ ስም ትርጉም፣ አገልጋዮቹ የእሱን ዓላማ ለማስፈጸም መሆን የሚያስፈልጋቸውን ሁሉ እንዲሆኑ እንደሚያስችላቸው ይጠቁማል። በእሱ እርዳታ ስንት ነገር ማከናወን እንደምንችል አናውቅም።

በይሖዋ መታመን ምን ያህል አስፈላጊ እንደሆነ ተምሬያለሁ። . . . ምን ዓይነት ስደት ሊያጋጥመኝ እንደሚችል እያሰብኩ ከመብሰልሰል ይልቅ ለይሖዋ ያለኝን ታዛዥነትና ለወንድሞቼ ያለኝን ፍቅር ማሳየት የምችለው እንዴት እንደሆነ አስባለሁ። የሚያጋጥመኝን ማንኛውንም ስደት በይሖዋ እርዳታ መቋቋም እችላለሁ።

ኪሪል፣ ባለቤቱ እንዲሁም በሩሲያ እና በክራይሚያ ስደት እየደረሰባቸው ያሉት ታማኝ ወንድሞቻችንና እህቶቻችን በሙሉ ስለሚያሳዩት ድፍረት መስማታችን ያበረታታናል።—ፊልጵስዩስ 1:13, 14