ግንቦት 5, 2022 | የታደሰው፦ ታኅሣሥ 26, 2022
ሩሲያ

ወቅታዊ መረጃ—የጥፋተኝነት ብይን ተላለፈበት | ይሖዋ ለሰርጌ ኩዝነትሶቭ ኃይል ሰጥቶታል

አጫውት

ታኅሣሥ 22, 2022 በካባረቭስክ ክልል የሚገኘው የቭያዜምስኪ አውራጃ ፍርድ ቤት፣ ወንድም ሰርጌ ኩዝነትሶቭን ጥፋተኛ ነው በማለት ሁለት ዓመት ከአምስት ወር የገደብ እስራት በይኖበታል። በእርግጥ አሁን ወህኒ አይወርድም።

የክሱ ሂደት

መስከረም 3, 2020

የፌዴራል ደህንነት አባላት የሰርጌን ቤት ፈተሹ። መጽሐፍ ቅዱስ፣ የኤሌክትሮኒክ መሣሪያዎች፣ ፍላሽ ዲስኮችና ጽሑፎች ወረሱ
ሚያዝያ 2, 2021

በሽብርተኞች ዝርዝር ውስጥ ተካተተ። የባንክ ሒሳቡ ታገደ
ኅዳር 9, 2021

ክሱ በፍርድ ቤት መታየት ጀመረ

አጭር መግለጫ

ሰርጌ ኩዝነትሶቭ

የትውልድ ዘመን፦ 1991 (አሎንካ፣ ካባረቭስክ ክልል)

ግለ ታሪክ፦ ሁለት ታላላቅ እህቶች አሉት። ቅርጫት ኳስ፣ በረዶ ላይ መንሸራተትና መረብ ኳስ ይወዳል

መጽሐፍ ቅዱስ ካጠና በኋላ በአምላክ ቃል ውስጥ ያሉት ትንቢቶች ትክክል እንደሆኑና ፈጣሪ እንዳለ ተገነዘበ። በ2014 ተጠምቆ የይሖዋ ምሥክር ሆነ

ጦር ሠራዊት ውስጥ ለማገልገል ፈቃደኛ ባለመሆኑ በአንድ የአእምሮ ሕክምና ሆስፒታል ውስጥ አማራጭ የሲቪል አገልግሎት ሰጥቷል

የሰጠው ሐሳብ

መንፈሳዊ ቤተሰብህ ኃይል የሰጠህ እንዴት ነው?

እስካሁን ስደት የደረሰባቸው በመቶዎች የሚቆጠሩ ወንድሞችና እህቶች ለክርስቶስ ስም ሲሉ መከራ ለመቀበል ዝግጁ የሆኑ ደፋር ጀግኖች ናቸው። ከእነሱ መካከል በመሆኔ እጅግ ደስተኛ ነኝ።

ጉባኤያችንም በጣም አበረታቶኛል። ከወንድሞችና ከእህቶች ጋር አብሮ መሥራት ከፊታችን ወደሚጠብቀን ሽልማት እንድገሰግስ ይረዳኛል። ረጅም ተራራ እንደመውጣት ነው። ለብቻ ከሆነ ሊከብድ ይችላል። . . . በኅብረት ከሆነ ግን እርስ በርስ ስለምንበረታታ የሚያስፈልገንን ኃይል እናገኛለን።

ይሖዋ ለስሙ ሲሉ የሚደርስባቸውን ስደት በጽናት እየተቋቋሙ ላሉት በሩሲያና በክራይሚያ ለሚገኙ ወንድሞችና እህቶች ኃይል እንደሚሰጣቸው እርግጠኞች ነን።—ራእይ 2:3