ታኅሣሥ 28, 2021
ሩሲያ

ወቅታዊ መረጃ | ይሖዋ እንደሚደግፋቸው ሙሉ እምነት ያላቸው ታማኝ የይሖዋ ምሥክሮች

አጫውት

ሚያዝያ 4, 2022 በካካሲያ ሪፑብሊክ የምትገኘው የአባካን ከተማ ፍርድ ቤት እህት ማትሪዮና ስፒሪያዲ እና ወንድም አሌክሳንደር ቭዬርጉኖቭ ጥፋተኛ ናቸው የሚል ብይን አስተላልፏል። ሁለቱም የሁለት ዓመት ተኩል የገደብ እስራት ተበይኖባቸዋል። የሚያሳዝነው ተመሳሳይ ክስ ተመሥርቶባት የነበረችው እህት ኢሪና ሲዶሮቫ ሕይወቷ አልፏል። እርግጥ ማትሪዮና እና አሌክሳንደር አሁን ወህኒ አይወርዱም።

የክሱ ሂደት

መጋቢት 30, 2021

የደህንነት ሠራተኞች የማትሪዮናን እና የአሌክሳንደርን ቤት ፈተሹ
ሐምሌ 17, 2020

ኢሪና ከቀዶ ሕክምና በኋላ ባጋጠማት ችግር ምክንያት ሕይወቷ አለፈ
ግንቦት 20, 2020

ባለሥልጣናት ኢሪና በጽንፈኝነት እንቅስቃሴ ተካፍላለች ብለው ስለጠረጠሩ ምርመራ አደረጉባት
ግንቦት 19, 2020

ባለሥልጣናት አሌክሳንደር በጽንፈኝነት እንቅስቃሴ ተካፍሏል ብለው ስለጠረጠሩ ምርመራ አደረጉበት
ሚያዝያ 20, 2020

በአሌክሳንደር፣ በኢሪና እና በማትሪዮና ላይ የወንጀል ክስ ተመሠረተባቸው

አጭር መግለጫ

ማትሪዮና ስፒሪያዲ

የትውልድ ዘመን፦ 1953 (ቦሮዲኖ፣ ክራስናያርስክ ክልል)

ግለ ታሪክ፦ ከ11 ልጆች የመጨረሻ ናት። አትክልት መንከባከብና እንግዶችን መቀበል ያስደስታታል

የእናቷ ሞት ከባድ ሐዘን አስከትሎባት ነበር፤ ስለ ትንሣኤ ተስፋ ስታውቅ በጣም ተጽናናች። የአካል ጉዳተኛ የሆነውን የልጅ ልጇን ትንከባከባለች። በ1994 ተጠመቀች

የሰጠችው ሐሳብ

በዚህ ከባድ ጊዜ ምን በረከቶችን አግኝተሻል?

የምኖረው ሴሬብራል ፖልዚ የተባለ በሽታ ካለበት ከልጅ ልጄ ከዳንኤል ጋር ነው። እሱ መጽሐፍ ቅዱስን እያጠና መሆኑ በጣም ያስደስተኛል። አብረን እንጸልያለን፤ እንዲሁም ለስብሰባዎች እንዘጋጃለን።

ወንድሞችና እህቶች ምን እርዳታ አድርገውልሻል?

ሁሌም ከጎናችን ሆነው ይንከባከቡናል። አስቤዛ ይሸምቱልናል፤ ሆስፒታል ይወስዱናል፤ አትክልቶችን በመንከባከብ ያግዙናል። . . . እንዲህ ያለ ቤተሰብ ስለሰጠኝ ይሖዋን አመሰግነዋለሁ።

አሌክሳንደር ቭዬርጉኖቭ

የትውልድ ዘመን፦ 1997 (አባካን፣ ካካሲያ ሪፑብሊክ)

ግለ ታሪክ፦ መጽሐፍ ቅዱስን ያስተማረችው የይሖዋ ምሥክር የሆነችው እናቱ ናት። የውኃ ዋና እና ድረ ገጾችን ማዘጋጀት ያስደስተዋል

በመጽሐፍ ቅዱስ በሠለጠነ ሕሊናው ምክንያት ወታደራዊ አገልግሎት ለመስጠት ፈቃደኛ አልሆነም። ለውትድርና የሚመለምሉት ባለሥልጣናት የጦር መሣሪያ ላለመያዝ ያለውን ቁርጥ አቋም በመገንዘብ አማራጭ የሲቪል አገልግሎት እንዲሰጥ ፈቀዱለት። ክሱ በተመሠረተበት ወቅት በአንድ የሕክምና ተቋም ውስጥ የሲቪል አገልግሎት እየሰጠ ነበር

አምላካችን ይሖዋ ታማኝ አገልጋዮቹን በሙሉ እንደሚመለከታቸውና እንደሚያደንቃቸው እርግጠኞች ነን። እነዚህን ውድ አገልጋዮቹን መንከባከቡን እንደማያቋርጥ ሙሉ እምነት አለን።—ኢሳይያስ 49:15