መጋቢት 4, 2022
ሩሲያ

ወቅታዊ መረጃ—ይግባኙ ውድቅ ተደረገ | እህት ልዩድሚላ ሼኮልዲና ያገኘችው ማበረታቻ ብርቱ አድርጓታል

አጫውት

ጥቅምት 6, 2022 የክራስኖዳር ክልል ፍርድ ቤት እህት ልዩድሚላ ሼኮልዲና ያቀረበችውን ይግባኝ ውድቅ አድርጎታል። ልዩድሚላ እንደታሰረች ትቆያለች።

ግንቦት 23, 2022 በክራስኖዳር ክልል የሚገኘው የፓቭሎቭስኪ አውራጃ ፍርድ ቤት ልዩድሚላ ጥፋተኛ ናት የሚል ብይን ያስተላለፈ ሲሆን የአራት ዓመት ከአንድ ወር እስራት ፈርዶባታል። ልዩድሚላ ወዲያውኑ ወህኒ ወርዳለች።

የክሱ ሂደት

ሚያዝያ 23, 2020

ከአንድ ሰላይ ጋር ስለ መጽሐፍ ቅዱስ በመወያየቷ በወንጀል ተከሰሰች
ሚያዝያ 29, 2020

ፖሊሶች ለዘጠኝ ሰዓታት የልዩድሚላን ቤት የፈተሹ ሲሆን በእሷም ላይ ምርመራ አካሂደውባታል። የጽንፈኛ ድርጅት እንቅስቃሴዎችን በማስፋፋት ወንጀል ክስ ተመሠረተባት
ሰኔ 21, 2021

ክሱ በፍርድ ቤት መታየት ጀመረ

አጭር መግለጫ

ልዩድሚላ ሼኮልዲና

የትውልድ ዘመን፦ 1976 (አሌክሳንድሮቭካ፣ ክራስኖዳር ክልል)

ግለ ታሪክ፦ በልጅነቷ ፒያኖ መጫወት ተምራለች። ከዚያም አስተማሪ ሆነች

የሕይወት ትርጉምና የፍትሕ መጓደል ያሳስባት ነበር። ከይሖዋ ምሥክሮች ጋር መጽሐፍ ቅዱስን ማጥናት ጀመረች፤ ለጥያቄዎቿም አርኪ መልስ አገኘች። በ1995 ተጠመቀች

የሰጠችው ሐሳብ

ከሌሎች ምን ማበረታቻ አግኝተሻል?

በቅርቡ የተወሰኑ እህቶች ቪዲዮ አዘጋጅተውልኝ ነበር። አንዷ እህት እንዲህ ብላለች፦ “ስለ አንቺ ሳስብ ወዲያው ወደ አእምሮዬ የሚመጣው የትንሿ እስራኤላዊት ልጅ ምሳሌ ነው። ምክንያቱም እሷ . . . ስትታይ ደካማ ልጅ ትመስላለች፤ ግን እንደ ደፋር ተዋጊ ነበረች! አንቺም ተመሳሳይ የድፍረት ምሳሌ ሆነሽልኛል።”

የወረዳ የበላይ ተመልካቻችን የሚያበረታቱ የመጽሐፍ ቅዱስ ጥቅሶችን የያዘ ደብዳቤ ላከልኝ። ከጥቅሶቹ አንዱ መዝሙር 68:28 ነበር። የጥቅሱን ሐሳብ ከእኔ ጋር በማያያዝ እንዲህ አለኝ፦ “አሁን ያለሽበት ሁኔታ በጣም አስቸጋሪ ነው። ሆኖም ለይሖዋ ያለሽ ፍቅርና ታማኝነት ብርቱ ሆነሽ እንድትጸኚ እንደሚረዳሽ እርግጠኛ ነኝ። . . . ይሖዋ በታማኝ አገልጋዮቹ ይኮራል።”

የሚላኩልኝን የማበረታቻ ሐሳቦች በሙሉ በግል ማስታወሻዬ ላይ እይዛቸዋለሁ፤ ደጋግሜም አነብባቸዋለሁ።

ልዩድሚላን ጨምሮ ስደት እየደረሰባቸው ያሉ ታማኝ ወንድሞቻችንና እህቶቻችን በይሖዋ እርዳታ ብርቱዎች ሆነው እንደሚጸኑ እንተማመናለን።—መዝሙር 68:28

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች