ግንቦት 10, 2022
ሩሲያ

ወቅታዊ መረጃ | ጋሊና አብሮሲሞቫ ፍርሃቷን ማሸነፍ ችላለች

አጫውት

ነሐሴ 11, 2022 የኒዥኒ ኖቭጎሮድ ክልላዊ ፍርድ ቤት እህት ጋሊና አብሮሲሞቫ ያቀረበችውን ይግባኝ ውድቅ አድርጎታል። እርግጥ አሁን ወህኒ አትወርድም።

ግንቦት 6, 2022 በኒዥኒ ኖቭጎሮድ የሚገኘው የሶቪየትስኪ አውራጃ ፍርድ ቤት ጋሊና ጥፋተኛ ነች በማለት የስድስት ዓመት የገደብ እስራት በየነባት።

የክሱ ሂደት

ሰኔ 4, 2019

መርማሪዎች በኒዥኒ ኖቭጎሮድ ክልል ውስጥ በሚገኙ የተወሰኑ የይሖዋ ምሥክሮች ላይ ክስ መሠረቱ። ክሱ ‘ስብሰባ አድርገዋል፣ መዋጮ ሰብስበዋል እንዲሁም እገዳ የተጣለበትን ሃይማኖታዊ ድርጅት እንዲቀላቀሉ አዳዲስ አባላትን መልምለዋል’ የሚል ነው
ሐምሌ 17, 2019

በ35 የይሖዋ ምሥክር ቤተሰቦች ቤቶች ላይ የጅምላ ፍተሻ ተካሄደ። ጋሊና በቁጥጥር ሥር ውላ ለሁለት ቀናት ማረፊያ ቤት ቆየች
ጥቅምት 19, 2021

የጋሊና ጉዳይ በፍርድ ቤት መታየት ጀመረ

አጭር መግለጫ

ጋሊና አብሮሲሞቫ

የትውልድ ዘመን፦ 1966 (ፕሪጎሮድኖዬ፣ ፔንዛ ክልል)

ግለ ታሪክ፦ ሹራብ መሥራትና እጅ ሥራ ትወዳለች። የፋርማሲ ባለሙያ ነበረች። ጡረታ ከወጣች በኋላ በልብስ ስፌት ሱቅ ውስጥ ረዳት ሆና መሥራት ጀመረች። ሁለት ልጆች አሏት

ባለቤቷ ሲሞት ለጥያቄዎቿ መልስ ለማግኘት መጽሐፍ ቅዱስን ማጥናት ጀመረች። የአምላክ ቃል ጠቃሚ ምክር የያዘና ግልጽ መሆኑ ልቧን ነካው። በ2000 ተጠምቃ የይሖዋ ምሥክር ሆነች

የሰጠው ሐሳብ

በፍርድ ቤት ፊት ቀርበሽ ለመናገር የነበረሽን ፍርሃት ለመቋቋም የረዳሽ ምንድን ነው?

ፍርድ ቤት ስቀርብ በተለይ ለመጀመሪያ ጊዜ በቀረብኩበት ወቅት ሁሉ ነገር እንግዳ ሆኖብኝ ነበር። ፍርሃቴን ማሸነፍ እንድችል ሁሉም ጓደኞቼ እንዲጸልዩልኝ ጠየቅኳቸው። ፍርድ ከተበየነበት አንድ ወንድም ደብዳቤ ደረሰኝ። ደብዳቤው እንዲህ ይላል፦ “ማድረግ ያለብሽ ነገር ቢኖር በይሖዋ መታመን ብቻ ነው። . . . ምን ዓይነት መረጋጋት እንደሚሰማሽ ታዪዋለሽ።” አሁን በጣም ተረጋግቻለሁ። ለመጀመሪያ ጊዜ በፍርድ ቤት የቀረብኩበት ቀን አገልግሎት ወጥተን ለአንድ ሰው ለመጀመሪያ ጊዜ ስንመሠክር ከሚኖረው ሁኔታ ጋር ይመሳሰላል። በሩን ስናንኳኳ ምን ዓይነት ሰው እንደሚያጋጥመን አናውቅም። በሩ ከተከፈተ በኋላ ግን ብዙውን ጊዜ ጥሩ ውይይት እናደርጋለን።

ይሖዋ ለሩሲያ ወንድሞቻችንና እህቶቻችን ‘በገዢዎችና በነገሥታት ፊት ቀርቦ ለእነሱ ለመመሥከር’ የሚያስችል ድፍረት እንደሚሰጣቸው እርግጠኞች ነን።—ማርቆስ 13:9