ነሐሴ 13, 2021 | የታደሰው፦ መጋቢት 6, 2023
ሩሲያ

ወቅታዊ መረጃ—ፍርዱ ተቀነሰለት | ወንድም ባራኖቭ እና ወንድም ሊ በይሖዋ በመተማመን ተረጋግተዋል

አጫውት

መጋቢት 1, 2023 የካባረቭስክ ክልል ፍርድ ቤት፣ የወንድም ዬጎር ባራኖቭን ይግባኝ ከተመለከተ በኋላ የገደብ እስራቱ ወደ አራት ዓመት ከስድስት ወር እንዲቀነስ ወስኗል። በአሁኑ ወቅት ወህኒ አይወርድም።

ሰኔ 6, 2022 በካባረቭስክ ክልል የሚገኘው የቭያዜምስኪ አውራጃ ፍርድ ቤት ዬጎር ጥፋተኛ ነው የሚል ብይን ያስተላለፈ ሲሆን የአምስት ዓመት የገደብ እስራት ፈርዶበታል። የሚያሳዝነው ወንድም የን ሰን ሊ የፍርድ ሂደቱ ከማብቃቱ በፊት ሕይወቱ አልፏል።

የክሱ ሂደት

የካቲት 2, 2021

የዬጎር እና የየን ሰን ጉዳይ በፍርድ ቤት መታየት ጀመረ
ኅዳር 20, 2020

ዬጎር ለ177 ቀናት በማረፊያ ቤት ከቆየ በኋላ ተለቀቀ
ነሐሴ 26, 2020

በካባረቭስክ የሚገኘው ማዕከላዊ አውራጃ ፍርድ ቤት የየን ሰንን መኪና ወረሰ
ግንቦት 29, 2020

ዬጎር ማረፊያ ቤት ገባ
ግንቦት 26, 2020

በካባረቭስክ ክልል በዬጎር እና በየን ሰን ላይ የወንጀል ክስ ተመሠረተ

አጭር መግለጫ

ዬጎር ባራኖቭ

የትውልድ ዘመን፦ 2001 (ኦሎቭያንናያ፣ ትራንስ ባይካል ክልል)

ግለ ታሪክ፦ ሁለት ታላላቅ ወንድሞች አሉት። አባቱ የሞተው በ2013 ነው። ተፈጥሮን እና እንስሳትን ይወዳል። ከመታሰሩ በፊት የደን ልማት ያጠና ነበር

ያሳደገችው የይሖዋ ምሥክር የሆነችው እናቱ ነች። አባቱን በትንሣኤ እንደሚያገኘው ማወቁ ተስፋ ሰጥቶታል። በ2017 ተጠምቆ የይሖዋ ምሥክር ሆነ። ኪቦርድ መጫወት፣ ግጥም መጻፍ እና ምግብ ማብሰል ይወዳል

የሰጠው ሐሳብ

በዚህ ፈተና ወቅት ከይሖዋ ጋር ያለህ ዝምድና የተጠናከረው እንዴት ነው?

የደረሰብኝ ፈተና፣ ያለንበት ሁኔታ ምንም ያህል ከባድ ቢመስል ይሖዋ ስሜታችንን እንደሚረዳልንና በግለሰብ ደረጃ እንደሚያስብልን በማወቅ እንድደሰት አድርጎኛል። በልቤ ውስጥ ጥርጣሬ ካደረ አምላክ ምን ያህል ጥበበኛ እንደሆነ ዘንግቻለሁ ማለት ነው። እሱ ምንጊዜም ምን ማድረግ እንዳለበት ያውቃል፤ ደግሞም ብዙውን ጊዜ ያልተጠበቀ እርምጃ ይወስዳል። በማረፊያ ቤት በቆየሁበት ወቅት በእሱ ላይ ያለኝ እምነት ተፈትኗል፤ በዚህም የተነሳ እምነቴ በእጅጉ ተጠናክሯል።

የን ሰን ሊ

የትውልድ ዘመን፦ 1952 (ኒኮላዬቭስክ ና አሙር፣ ካባረቭስክ ክልል)

ግለ ታሪክ፦ ከአምስት ልጆች መካከል ሦስተኛው ነው። በሙያው የኤሌክትሪክ መሐንዲስ ነው። በ1991 ከኦልጋ ጋር ትዳር መሠረተ። አንድ ወንድ ልጅ አላቸው። እሱና ባለቤቱ መጽሐፍ ቅዱስ ለወደፊቱ ጊዜ ተስፋ እንደሚሰጥ ሲሰሙ መጽሐፍ ቅዱስን ለመማር ፍላጎት አደረባቸው። በ1994 ተጠመቁ። የን ሰን ቼዝ መጫወትና በእግሩ መንሸራሸር ያስደስተዋል

የሰጠው ሐሳብ

በዚህ ፈተና ወቅት ይሖዋ ምን እንዲያደርግልህ ትጸልይ ነበር?

አምላክ እኔንና ባለቤቴን እንዲያጠናክረንና ውስጣዊ ሰላም እንዲሰጠን ለምኜው ነበር። . . . ምርመራ በተደረገብኝ ወቅት መረጋጋት ችዬ ነበር፤ ይህ ደግሞ ይሖዋ ፈጽሞ እንደማይተወኝ ይበልጥ እንድተማመን ረድቶኛል።

ባለቤቴ ልብ ድካም ይዟት ሆስፒታል በገባችበት ወቅት . . . ጥሩ ሕክምና ማግኘት እንድትችል ይሖዋን ለምኜው ነበር። ይሖዋም ጸሎቴን መልሶልኛል። በወንድሞችና በእህቶች አማካኝነት እኔንም ሆነ እሷን እንደደገፈን በግልጽ ተመልክተናል። ወንድሞች ምንጊዜም ከጎናችን አልተለዩም። በቁሳዊ፣ ከሁሉ በላይ ደግሞ በመንፈሳዊ ረድተውናል።

በይሖዋ እና በወንድሞቻችን እርዳታ ባለቤቴ መንፈሳዊ አመለካከት ይዛ መቀጠል ችላለች። . . . እንዲያውም ሌሎችንም ጭምር ለማበረታታት ጥረት ታደርጋለች። ይህም ይሖዋ ባለቤቴን እየደገፋት እንዳለ የሚያሳይ ግልጽ ማስረጃ ነው።

ወንድሞቻችን በይሖዋ መተማመናቸውን በመቀጠላቸው እናደንቃቸዋለን፤ እሱም እንዲጸኑ እንደሚረዳቸው እንተማመናለን።—2 ተሰሎንቄ 3:3

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች