ኅዳር 15, 2023 | የታደሰው፦ መጋቢት 13, 2024
ሩሲያ

ወቅታዊ መረጃ—ፍርዱ ተቀየረ | ‘በይሖዋ ለመታመን ቁርጥ ውሳኔ አድርጌአለሁ’

አጫውት

መጋቢት 12, 2024 የኬሜሮቮ ክልላዊ ፍርድ ቤት ይግባኙን ሰምቶ በወንድም ፓቬል ብሪልኮቭ ላይ የተላለፈውን ፍርድ ቀይሯል። መጀመሪያ ላይ ተፈርዶበት የነበረው የጉልበት ሥራ በሁለት ዓመት የገደብ እስራት ተቀይሮለታል። በአሁኑ ወቅት ወህኒ አይወርድም።

ጥር 15, 2024 የፕሮኮፕዬቭስክ አውራጃ ማዕከላዊ ፍርድ ቤት ወንድም ፓቬል ብሪልኮቭ ጥፋተኛ ነው የሚል ውሳኔ በማስተላለፍ ለሁለት ዓመት ከአሥር ወር ያህል የጉልበት ሥራ እንዲሠራ በይኖበታል። a በአሁኑ ወቅት ወህኒ አይወርድም።

አጭር መግለጫ

ፓቬል ብሪልኮቭ

ትውልድ፦ 1958 (ፕሮኮፕዬቭስክ፣ ኬሜሮቮ ክልል)

ግለ ታሪክ፦ ለብረት አርማታ ቅርጽ ማውጫ ይሠራ ነበር። በ2017 ከቬራ ጋር ትዳር መሠረተ

የአምላክ መንግሥት ለሰው ልጆች ስለሚያከናውናቸው ነገሮች ሲማር በሕይወቱ ውስጥ ለውጥ ለማድረግ ተነሳሳ። በ2019 ተጠምቆ የይሖዋ ምሥክር ሆነ

የሰጠው ሐሳብ

ከይሖዋ ጋር ያለህን ዝምድና ለማጠናከር የረዳህ የትኛው የመጽሐፍ ቅዱስ ጥቅስ ነው?

ኢሳይያስ 64:8⁠ን በጣም እወደዋለሁ፤ ጥቅሱ “ይሖዋ ሆይ፣ አንተ አባታችን ነህ። እኛ ሸክላ ነን፤ አንተም ሠሪያችን ነህ፤ ሁላችንም የእጅህ ሥራ ነን” ይላል። ይህን ጥቅስ ሳነብ ይሖዋ በፊቱ ውድ እንደሆንኩ ማረጋገጫ እየሰጠኝ እንዳለ ይሰማኛል። ይሖዋን እንደ አባቴ በመቁጠር በእሱ ለመታመን ቁርጥ ውሳኔ አድርጌአለሁ። ይሖዋ እስካሁንም ብዙ ነገሮችን አድርጎልኛል። ያቀረብኳቸውን ጸሎቶች አስደናቂ በሆነ መንገድ መልሶልኛል፤ ምን ያህል እንደሚወደኝም አሳይቶኛል። በዛሬው ጊዜ ያሉትን ችግሮች ሁሉ እንደሚያስተካክል የገባውን ቃል እንደሚፈጽም አንዳች ጥርጣሬ የለኝም።

በውድ ወንድሞቻችንና እህቶቻችን ላይ የሚደርሰው ስደት ቢያሳዝነንም ‘የሚያድነንን አምላክ በትዕግሥት ለመጠባበቅ’ ቁርጥ ውሳኔ አድርገናል፤ ምክንያቱም እሱ የሰጣቸው ተስፋዎች እንደሚፈጸሙ እርግጠኞች ነን።—ሚክያስ 7:7

የክሱ ሂደት

ኅዳር 10, 2021

ቤታቸው ተፈተሸ። ፓቬል እና ቬራ ምርመራ ተደረገባቸው
ግንቦት 30, 2022

የወንጀል ክስ ተመሠረተበት
መጋቢት 16, 2023

የጉዞ ገደብ ተጣለበት
ግንቦት 25, 2023

ክሱ በፍርድ ቤት መታየት ጀመረ

a የጉልበት ሥራ እንዲሠራ የተበየነበት ሰው፣ ባለሥልጣናት የመደቡለትን ሥራ የሚያከናውን ሲሆን ከደሞዙ ከ5 እስከ 20 በመቶ የሚሆነው ለመንግሥት ገቢ ይደረጋል። ባለሥልጣናቱ ግለሰቡ ለመተባበር ወይም የተሰጠውን ሥራ ለመሥራት ፈቃደኛ እንዳልሆነ ከተሰማቸው ወህኒ እንዲወርድ ሊወስኑ ይችላሉ።

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች