መስከረም 15, 2023
ሩሲያ

ወንድም ሰርጌ ግሮሞቭ የስድስት ዓመት ከአንድ ወር እስራት ተፈረደበት

አጫውት

መስከረም 14, 2023 በካዛን የሚገኘው የሞስኮቭስኪ አውራጃ ፍርድ ቤት፣ ወንድም ሰርጌ ግሮሞቭ ጥፋተኛ ነው በማለት የስድስት ዓመት ከአንድ ወር እስራት ፈረደበት። ከመጋቢት 15, 2022 ጀምሮ በእስር ላይ የሚገኝ ሲሆን አሁንም በዚያው ይቆያል።

አጭር መግለጫ

ሰርጌ ግሮሞቭ

ትውልድ፦ 1969 (ካዛን፣ የታታርስታን ሪፑብሊክ)

ግለ ታሪክ፦ በግራፊክ ዲዛይን ባለሙያነት ይሠራ ነበር

በ1990 ዬሌናን አገባ። አንድ ወንድ ልጅና አንዲት ሴት ልጅ አሏቸው

በልጅነቱ አምላክ የለሽ የነበረ ቢሆንም ሕይወት እንዴት እንደተገኘ ያሳስበው ነበር። ከይሖዋ ምሥክሮች ጋር ማጥናት ጀመረ። መጽሐፍ ቅዱስ ከሳይንስ ጋር እንደሚስማማ ሲረዳ ተደነቀ። እሱና ዬሌና በ1995 ተጠመቁ

የሰርጌ ባለቤት ዬሌና የሰጠችው ሐሳብ a

አንቺና ሰርጌ ራሳችሁን ለስደት ያዘጋጃችሁት እንዴት ነው?

በ2017 በሩሲያ ያለው ሁኔታ ሲቀየር በጭንቀት አልተዋጥንም። ከዚህ ይልቅ ሸክማችንን በይሖዋ ላይ ጣልን። የይሖዋ ድርጅት የሰጠንን ምክር በቤተሰብ ደረጃ ተግባራዊ አደረግን፤ ፍርሃት ይሖዋን ከማገልገል እንዲያግደን ላለመፍቀድም ቆረጥን። የዕለት ተዕለት ሕይወታችንን እና መንፈሳዊ እንቅስቃሴዎቻችንን ቀጠልን፤ አዘውትረን መጸለያችንንም ሆነ ወንድሞቻችንን እና እህቶቻችንን ማበረታታታችንንም አላቋረጥንም።

ባለቤትሽ አብሮሽ በሌለበት በዚህ ወቅት ይሖዋ የደገፈሽ እንዴት ነው?

ሰርጌን ከወሰዱት በኋላ ይሖዋን በግልጽና በተደጋጋሚ ያነጋገርሁትን ያህል ከዚያ በፊት አነጋግሬው አላውቅም። ይሖዋ ምን ያህል ቅርቤ እንደሆነ በደንብ ተረድቻለሁ። ይህን ሁኔታ ብቻዬን እንድጋፈጠው አይተወኝም። አንዳንድ ጊዜ ገና ጸሎቴን ስጨርስ ነው መልስ የሚሰጠኝ፤ በደግነት የሚያነጋግረኝ፣ እቅፍ የሚያደርገኝ ወይም በሆነ መንገድ የሚረዳኝ አንድ ሰው ይልክልኛል። ይሖዋ እነዚህን ሰዎች በመጠቀም በክንዶቹ ያቀፈኝ ያህል ነው። እነዚህን ድጋፎች ማግኘቴ በችግሮቼ እንዳልብሰለሰል ረድቶኛል። ይልቁንም ሌሎችን ለመርዳት የምችለውን ያህል እንዳደርግ አነሳስቶኛል።

ሰርጌና ዬሌና ላሳዩን የታማኝነትና በይሖዋ የመታመን ምሳሌ አመስጋኞች ነን። ታማኝ መሆናቸውና የይሖዋን በረከት ማግኘታቸው አንድ ሐቅ ያረጋግጥልናል፤ ይኸውም “የይሖዋ እጅ ማዳን ይሳናት ዘንድ አላጠረችም፤ ጆሮውም መስማት ይሳናት ዘንድ አልደነዘዘችም።”—ኢሳይያስ 59:1

የክሱ ሂደት

መጋቢት 15, 2022

የክስ ፋይል ተከፈተበት። ለምርመራ ተወስዶ ጣቢያ እንዲቆይ ተደረገ
መጋቢት 16, 2022

ቤቱ ተፈተሸ
መጋቢት 17, 2022

ወደ ማረፊያ ቤት ተዛወረ
መጋቢት 30, 2023

ክሱ በፍርድ ቤት መታየት ጀመረ
መስከረም 14, 2023

ጥፋተኛ ነው ተብሎ የስድስት ዓመት ከአንድ ወር እስራት ተፈረደበት

a ይህ ዜና ሲጠናቀር ወንድም ሰርጌ ማረፊያ ቤት ስለነበር የእሱን አስተያየት ማግኘት አልተቻለም።

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች