ነሐሴ 30, 2024
ሩሲያ

ወንድም አሌክሳንደር ሳልኒኮቭ የስድስት ዓመት የገደብ እስራት ተበየነበት

አጫውት

ነሐሴ 22, 2024 በቼልያቢንስክ ክልል፣ በማግኒቶጎርስክ የሚገኘው የኦርድዠኒኪድዘፍስኪ አውራጃ ፍርድ ቤት፣ ወንድም አሌክሳንደር ሳልኒኮቭ ጥፋተኛ ነው በማለት የስድስት ዓመት የገደብ እስራት በይኖበታል። በአሁኑ ወቅት እስር ቤት አይገባም።

አጭር መግለጫ

አሌክሳንደር ሳልኒኮቭ

ትውልድ፦ 1961 (ማግኒቶጎርስክ)

ግለ ታሪክ፦ ጡረታ ከመውጣቱ በፊት በመሠረተ ልማት አገልግሎት ሰጪ ድርጅት ውስጥ የማሽን ኦፐሬተሮች አለቃ ሆኖ ይሠራ ነበር

በ1985 ከኔሊ ጋር ተጋቡ። አንድ ወንድና አንዲት ሴት ልጅ አሏቸው

አሌክሳንደር ከተፈጥሮ ሕጎች በስተ ጀርባ ያለውን አካል ማንነት ጨምሮ ብዙ ጥያቄዎች ነበሩት። ስለ ፈጣሪ ሲማር ተደሰተ። አሌክሳንደር እና ኔሊ በ2000 ተጠምቀው የይሖዋ ምሥክሮች ሆኑ

የሰጠው ሐሳብ

በመጽናትህ ምን በጎ ውጤቶች አግኝተሃል?

በፍርድ ሂደቱ መጀመሪያ ላይ የክስ ፋይሎቼ ተጠናቅረው ሲሰጡኝ ፈርቼ ነበር፤ እንዲያውም ጭንቀት ውስጥ ገባሁ። ከልክ ያለፈ ጭንቀት ስሜታዊ፣ አካላዊና መንፈሳዊ ጉዳት ያስከትላል። በዚህ ስሜት ላይ ያለ ሰው ሁኔታው አስከፊ ነው። ከዚያ ግን አንድ ወንድም ለተስፋ መቁረጥ ስሜት እጅ ብሰጥ ሰይጣንን እንደሚያስደስተው አስታወሰኝ። በአንጻሩ ግን በአቋሜ መጽናቴ የይሖዋን ልብ ደስ ያሰኘዋል። ስሜቴን በመቆጣጠር ላይ መሥራት እንዳለብኝ ተገነዘብኩ። ይሖዋም ይህንኑ እንዳደርግ ረድቶኛል። አሁን ትኩረቴ ያረፈው ባለሁበት ሁኔታ ላይ አይደለም፤ ከዚህ ይልቅ ለይሖዋ ታማኝ ሆኜ ለመጽናት ባለኝ ቁርጠኝነት ላይ ማተኮር ችያለሁ። ይሖዋ እንደሚደግፈኝ እና እንደሚያጠናክረኝ አውቃለሁ።

ማንኛውንም ዓይነት ፈተና በጽናት ለመወጣት የሚያስፈልጉንን ባሕርያት ለማዳበር ስንጣጣር የለጋሱ አምላካችን እርዳታ እንደማይለየን በማወቃችን ምንኛ አመስጋኞች ነን!—ገላትያ 5:22, 23

የክሱ ሂደት

ሚያዝያ 18, 2023

የክስ ፋይል ተከፈተ። በቪዲዮ ኮንፈረንስ አማካኝነት ስብሰባ እንዲካሄድ አስተባብረሃል ተብሎ ተከሰሰ
ሚያዝያ 20, 2023

የወንድም አሌክሳንደርን ቤት ጨምሮ በማግኒቶጎርስክ የሚገኙ በርካታ ቤቶች ተፈተሹ። አሌክሳንደር ተይዞ ጣቢያ እንዲቆይ ተደረገ
ሚያዝያ 22, 2023

ከጣቢያ ተለቀቀ፤ የጉዞ ክልከላዎች ተጣሉበት
ግንቦት 14, 2024

ክሱ በፍርድ ቤት መታየት ጀመረ
ነሐሴ 22, 2024

ጥፋተኛ ተብሎ የስድስት ዓመት የገደብ እስራት ተበየነበት

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች