የካቲት 22, 2023 ወንድም አሌክሳንደር ሽቼርቢና በሮስቶቭ-ኦን-ዶን ከተማ ከሚገኝ የሩሲያ ወህኒ ቤት ተለቅቋል። ማረፊያ ቤት 79 ቀናት፣ ወህኒ ቤት ደግሞ 609 ቀናት የቆየ ሲሆን በአጠቃላይ ሁለት ዓመት ገደማ በእስራት አሳልፏል።

አሌክሳንደር፣ ፍርዱን ከመስማቱ ቀደም ብሎ በሰጠው ሐሳብ ላይ በመጽሐፍ ቅዱስ ውስጥ ያለው የመርዶክዮስ ምሳሌ ምን ያህል እንዳበረታታው ገልጾ ነበር፤ እንዲህ ብሏል፦ “መርዶክዮስ፣ ጠላቱ ሃማ በነፍስ እንደሚፈልገው ያውቃል፤ ሆኖም አልፈራውም። ለእሱ ዋነኛው ነገር በማንኛውም ዓይነት ሁኔታ ውስጥ ለይሖዋ ታማኝ መሆን ነበር። በእሱ ምሳሌ ላይ ማሰላሰሌ ምንጊዜም ደፋር እንድሆን ረድቶኛል።”

አሌክሳንደር የተወውን ግሩም ምሳሌ በጣም እናደንቃለን። እንደገና ከወዳጅ ዘመዶቹ ጋር ለመሆን በመብቃቱም ተደስተናል፤ ከዚህ በኋላም ‘በእምነት ጸንቶ ለመቆም’ የሚያደርገውን ተጋድሎ ይሖዋ እንዲባርክለት እንመኛለን።—1 ቆሮንቶስ 16:13