ኅዳር 9, 2022
ሩሲያ

ወንድም አንድሬ ዳንዬልያን የስድስት ዓመት እስራት ተፈረደበት

አጫውት

ኅዳር 7, 2022 በአልታይ ግዛት የሚገኘው የሩብትሶቭስኪ ከተማ ፍርድ ቤት ወንድም አንድሬ ዳንዬልያን በስድስት ዓመት እስራት እንዲቀጣ ወስኗል። ወዲያውኑ ወደ እስር ቤት ተወስዷል።

የክሱ ሂደት

ግንቦት 25, 2021

ፖሊሶች የአንድሬን ስልክ በመጥለፍና በሌሎች የስለላ ዘዴዎች ለወራት ሲከታተሉት ከቆዩ በኋላ የወንጀል ክስ መሠረቱበት
ግንቦት 26, 2021

መኖሪያ ቤቱ ተፈተሸ። አንድሬና ባለቤቱ ጣቢያ ተወስደው ምርመራ ተደረገባቸው። አንድሬ የጉዞ እገዳ ተጣለበት
ሐምሌ 13, 2022

የጽንፈኛ ድርጅት እንቅስቃሴዎችን አስተባብረሃል በሚል በይፋ ክስ ተመሠረተበት
መስከረም 5, 2022

ክሱ በፍርድ ቤት መታየት ጀመረ
ኅዳር 7, 2022

የስድስት ዓመት እስራት ተፈረደበት

አጭር መግለጫ

አንድሬ ዳንዬልያን

የትውልድ ዘመን፦ 1969 (አሌይስክ፣ አልታይ ግዛት)

ግለ ታሪክ፦ በአንድ ትምህርት ቤት ውስጥ የጽዳት ሠራተኛ ነበር

አምላክ፣ የሰው ልጆች በምድር ላይ ያደረሱትን ጉዳት እንደሚያስተካክል ሲማር በጣም ተደሰተ። በ1992 ተጠምቆ የይሖዋ ምሥክር ሆነ

በ1997 ከኒና ጋር ተጋቡ

የሰጠው ሐሳብ

ንጹሕ አቋምህን እንድትጠብቅ የሚረዳህ ምንድን ነው? a

ጊዜው በጣም ከባድ ሆኗል፤ ነገ ደግሞ ከዚህ የባሱ ነገሮች ሊያጋጥሙን ይችላሉ። መጽናት እፈልጋለሁ፤ ፍላጎት ብቻውን ግን በቂ አይሆንም። አንድ አትሌት በውድድር ማሸነፍ ከፈለገ አስቀድሞ ዝግጅት ያደርጋል፤ ደግሞም በትጋት ይለማመዳል። ወደፊት ንጹሕ አቋሜን መጠበቅ ከፈለግሁ ከይሖዋ ጋር ያለኝ ዝምድና ምን ደረጃ ላይ እንዳለ መገምገም ያለብኝ አሁን ነው። ስለዚህ ጉዳይ ቆም ብዬ ማሰቤ በይሖዋ ላይ ያለኝን እምነት እንዳጠናክር ያነሳሳኛል፤ ድፍረት፣ ትዕግሥትና ብርታት እንዲሰጠኝም እለምነዋለሁ። ሐዋርያው ጳውሎስ በ1 ጢሞቴዎስ 4:8 ላይ እንደጻፈው “የአካል ብቃት እንቅስቃሴ በጥቂቱ ይጠቅማል፤ ለአምላክ ማደር ግን ለአሁኑም ሆነ ለወደፊቱ ሕይወት ተስፋ ስለሚሰጥ ለሁሉም ነገር ይጠቅማል።”

‘ተስፋ የተሰጠውን የወደፊቱን ሕይወት’ በምንጠባበቅበት በአሁኑ ወቅት አንድሬም ሆነ ሌሎች በርካታ ወንድሞቻችንና እህቶቻችን ለአምላክ ያደሩ ሆነው ለመኖር የሚያደርጉትን ጥረት ከልብ እናደንቃለን።—1 ጢሞቴዎስ 4:8

a ወንድም አንድሬ ዳንዬልያን አስተያየቱን የሰጠው ከፍርድ ቤቱ ውሳኔ በፊት ነው።

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች