ግንቦት 17, 2024
ሩሲያ

የይሖዋ “ቤተሰብ አባል በመሆኔ ደስታ ይሰማኛል”

አጫውት

በክራስናዳር ግዛት የሚገኘው የቪሴልኮቭስኪ አውራጃ ፍርድ ቤት፣ ከወንድም ሰርጌ ቩሬቼንስኪ ክስ ጋር በተያያዘ በቅርቡ ውሳኔ ያሳልፋል ተብሎ ይጠበቃል። አቃቤ ሕጉ እንዲተላለፍበት የሚፈልገውን ብይን ገና አላሳወቀም።

አጭር መግለጫ

ሰርጌ ቩሬቼንስኪ

ትውልድ፦ 1975 (ቪሴልኪ)

ግለ ታሪክ፦ የግንባታ ሥራ ይሠራል

በጉባኤ ስብሰባ ላይ እንዲገኝ ተጋበዘ። የመጽሐፍ ቅዱስ ትምህርቶች አሳማኝ መሆናቸው እና የይሖዋ ምሥክሮች የሚያስተምሩትን ተግባራዊ ማድረጋቸው አስደነቀው። በ2001 ተጠመቀ

በ2009 ከዬሌና ጋር ተጋቡ

የሰጠው ሐሳብ

ከዚህ ተሞክሮ ምን ጠቃሚ ትምህርት አግኝተሃል?

ይህን ስደት ስጋፈጥ ይሖዋ በመዝሙር 18:35 ላይ ያሉትን ቃላት ይበልጥ እንድረዳቸው እያገዘኝ እንዳለ ይሰማኛል፤ ጥቅሱ እንዲህ ይላል፦ “የመዳን ጋሻህን ትሰጠኛለህ፤ ቀኝ እጅህ ይደግፈኛል፤ ትሕትናህም ታላቅ ያደርገኛል።” ይህ ጥቅስ፣ ይሖዋ ሁልጊዜ የሚያስፈልገኝን እገዛ እንደሚያደርግልኝ ያስታውሰኛል፤ አብዛኛውን ጊዜ ይህን የሚያደርገው ወንድሞቼን እና እህቶቼን በመጠቀም ነው። የእነሱን እርዳታ ባገኘሁ ቁጥር በዚህ ቤተሰብ ውስጥ ቦታ እንዳለኝ ይሰማኛል፤ እኔም በምላሹ ወንድሞቼን እና እህቶቼን እንዳደንቃቸውና ከፍ አድርጌ እንድመለከታቸው ያነሳሳኛል። እንደ አንድ አካል ተሳስረናል። ለይሖዋ አምልኮ የሚያቀርብ ቤተሰብ አባል በመሆኔ ደስታ ይሰማኛል።

ሰርጌም ሆነ ይሖዋን ‘መጠጊያ ያደረጉ’ ሌሎች ታማኝ ክርስቲያኖች እሱ “ጋሻቸው” እንደሚሆንላቸው ስላየን በተሞክሯቸው እጅግ እንበረታታለን።—መዝሙር 18:30

የክሱ ሂደት

የካቲት 13, 2022

ባለሥልጣናት፣ በቪሴልኪ እና በአቅራቢያው ባሉ መንደሮች የሰርጌን ጨምሮ 31 ቤቶችን ፈተሹ
ሰኔ 15, 2023

የክስ ፋይል ተከፈተበት
ነሐሴ 10, 2023

የጉዞ እገዳዎች ተጣሉበት
የካቲት 8, 2024

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች