ነሐሴ 8, 2024
ሩሲያ

‘ይሖዋ መጠጊያዬና ጠባቂዬ ነው’

አጫውት

በክራስኖዳር ግዛት የሚገኘው የቭይሴልኮቭስኪ አውራጃ ፍርድ ቤት፣ ከእህት ልዩድሚላ ዚኒና ጉዳይ ጋር በተያያዘ በቅርቡ ውሳኔ እንደሚያሳልፍ ይጠበቃል። አቃቤ ሕጉ እንዲተላለፍባት የሚፈልገውን ብይን ገና አላሳወቀም።

አጭር መግለጫ

ልዩድሚላ ዚኒና

ትውልድ፦ 1951 (ቢሪዛንስካያ፣ ክራስኖዳር ግዛት)

ግለ ታሪክ፦ ነርስ ሆና ትሠራ ነበር

በ1973 ከፕዮትር ጋር ትዳር መሠረተች። ሁለት ሴቶች ልጆች አሏቸው። ወንድ ልጃቸውን በ2012 በሞት አጥተዋል። ኢሪና የተባለችው ሁለተኛዋ ሴት ልጃቸውም የክስ ፋይል ተከፍቶባታል

ልዩድሚላ የአምላክን ስም መጽሐፍ ቅዱስ ላይ ለመጀመሪያ ጊዜ ስታነብ በጣም ተደስታ ነበር። በ1999 ተጠምቃ የይሖዋ ምሥክር ሆነች

የሰጠችው ሐሳብ

ተስፋ እንዳትቆርጪ የረዳሽ የትኛው የመጽሐፍ ቅዱስ ጥቅስ ነው?

የክሱ ሂደት የሚፈጥረው ጫና እንዳለ ሆኖ ከበድ ካሉ የጤና እክሎች ጋርም እታገላለሁ። ሆኖም በዘዳግም 30:20 ላይ በሚገኘው ሐሳብ ላይ ማሰላሰሌ ሚዛኔን እንድጠብቅ ረድቶኛል። በዚህ ጥቅስ ላይ ሙሴ ይሖዋን መውደድ፣ ቃሉን መስማትና ከእሱ ጋር መጣበቅ እንዳለባቸው እስራኤላውያንን አስታውሷቸዋል፤ ‘ምክንያቱም እሱ ሕይወታቸው ነው፤ ረጅም ዕድሜ የሚኖሩትም በእሱ ነው።’ እነዚህ ቃላት በጣም አበረታትተውኛል። ለይሖዋ ታማኝ እስከሆንኩ ድረስ ከምችለው በላይ መከራ እንዲደርስብኝ ፈጽሞ እንደማይፈቅድ እርግጠኛ ነኝ። በተለይ ጤንነቴ በተቃወሰበት በአሁኑ ወቅት ይሖዋ አስተማማኝ መጠጊያዬና ጠባቂዬ እንደሚሆን አልጠራጠርም።

እኛም እንደ ልዩድሚላ፣ በእሱ የሚታመኑትን ፈጽሞ በማይተወው በአምላካችን በይሖዋ ላይ የማይናወጥ እምነት እንገንባ።—ዘዳግም 31:6

የክሱ ሂደት

የካቲት 13, 2022

ልዩድሚላ፣ ባለቤቷና ልጃቸው ኢሪና የሚኖሩበት ቤት ተፈተሸ
ግንቦት 23, 2023

የክስ ፋይል ተከፈተባት። ስለ እምነቷ ለሌሎች በመናገሯ ምክንያት ‘በጽንፈኛ ድርጅት እንቅስቃሴዎች ተካፍላለች’ ተብላ ተከሰሰች
ሰኔ 9, 2023

ስሟ በሩሲያ የጽንፈኞች ዝርዝር ውስጥ ተካተተ
ሐምሌ 11, 2023

የጉዞ እገዳ ተጣለባት
የካቲት 8, 2024

ክሱ በፍርድ ቤት መታየት ጀመረ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች