ኅዳር 27, 2023
ሩሲያ

‘ይሖዋ ያለሁበትን አስቸጋሪ ሁኔታ ወደ በጎ ይቀይረዋል’

አጫውት

በያሮስላቭል የሚገኘው የድዜርጂንስኪ አውራጃ ፍርድ ከወንድም አንቶን ኮኮቪን ጉዳይ ጋር በተያያዘ በቅርቡ ውሳኔ ያስተላልፋል ተብሎ ይጠበቃል። አቃቤ ሕጉ እንዲተላለፍበት የሚፈልገውን ብይን ገና አላሳወቀም።

አጭር መግለጫ

አንቶን ኮኮቪን

ትውልድ፦ 1990 (ያሮስላቭል፣ ያሮስላቭል ክልል)

ግለ ታሪክ፦ የስርጭት መሐንዲስ ሆኖ ይሠራል

እናቱ ከልጅነቱ አንስቶ የመጽሐፍ ቅዱስን መሠረታዊ ሥርዓቶች አስተምራዋለች። በአሥራዎቹ ዕድሜ ላይ ሳለ ስለ ሕይወት በቁም ነገር ማሰብ ጀመረ። በ2009 ተጠምቆ የይሖዋ ምሥክር ሆነ

የሰጠው ሐሳብ

በይሖዋ ላይ ያለህን እምነት አጠናክረህ እንድትቀጥል የረዳህ ምንድን ነው?

ኢየሱስ ተከታዮቹ ስደት እንደሚደርስባቸው አስቀድሞ ተናግሯል። ስለዚህ ይሖዋ ምን እያጋጠመኝ እንዳለና እንዴት ሊረዳኝ እንደሚችል ያውቃል። በቃሉና በድርጅቱ አማካኝነት የማገኘው አመራር ታማኝ ሆኜ ለመቀጠል የሚያስፈልገኝን ብርታት ሰጥቶኛል። በመዝሙር 30:11 ላይ የሚገኘው “ሐዘኔን ወደ ጭፈራ ለወጥክ፤ ማቄን አውልቀህ ደስታን አለበስከኝ” የሚለውም ጥቅስ ከአእምሮዬ አይጠፋም። ወደፊት ስለሚጠብቀኝ ነገር ብዙ የማላውቀው ነገር አለ። ሆኖም ይህ ጥቅስ በእኔም ላይ እንደሚፈጸም እርግጠኛ ነኝ። ይሖዋ ያለሁበትን አስቸጋሪ ሁኔታ ወደ በጎ እንደሚቀይረው አውቃለሁ።

ይሖዋ የእሱን ሉዓላዊነት ለመደገፍ የሚመርጡ አገልጋዮቹን ላሳዩት እምነትና ጽናት አብዝቶ እንደሚባርካቸው እንተማመናለን።—መዝሙር 30:11

የክሱ ሂደት

ግንቦት 18, 2022

የወንጀል ክስ ተመሠረተበት
ግንቦት 19, 2022

ቤቱ ተፈተሸ። ምርመራ ተደረገበት
ሰኔ 6, 2022

በጽንፈኛ ድርጅት እንቅስቃሴዎች ተካፍሏል ተብሎ ተከሶ የጉዞ ገደብ ተጣለበት
ግንቦት 29, 2023

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች