የካቲት 15, 2022 በብራዚል፣ በሪዮ ዴ ጄኔሮ ግዛት በምትገኘው በተራራማዋ የፔትሮፖሊስ ከተማ ከባድ ዝናብ በመጣሉ የመሬት መንሸራተት ተከሰተ። አደጋው መኖሪያ ቤቶችንና የንግድ ቦታዎችን አውድሟል። በ24 ሰዓት ውስጥ 26 ሴንቲ ሜትር የሚያክል ዝናብ ጥሏል።

• 1 ወንድም ከባድ ጉዳት ደርሶበት በአቅራቢያው ወደሚገኝ ሆስፒታል ተወስዷል። የሚያሳዝነው የ2 ዓመት ልጁ በመሬት መንሸራተቱ ምክንያት ሕይወቱን አጥቷል

• 1 ሌላ ወንድምም ሞቷል

• 86 አስፋፊዎች ከመኖሪያቸው ተፈናቅለዋል

• 2 ቤቶች ፈርሰዋል

• 15 ቤቶች ከባድ ጉዳት ደርሶባቸዋል

• 2 የስብሰባ አዳራሾች ቀላል ጉዳት ደርሶባቸዋል

• የእርዳታ ሥራውን ለማደራጀት የአደጋ ጊዜ እርዳታ አስተባባሪ ኮሚቴ ተቋቁሟል

• የወረዳ የበላይ ተመልካቾችና የጉባኤ ሽማግሌዎች በአደጋው ለተጎዱ ወንድሞች ምግብ፣ ውኃ እና አልባሳት በማቅረብ እንዲሁም መንፈሳዊ ማበረታቻ በመስጠት እርዳታ እያደረጉላቸው ነው

• ከመኖሪያቸው የተፈናቀሉት ወንድሞችና እህቶች ለጊዜው ከዘመዶቻቸውና ከሌሎች የይሖዋ ምሥክሮች ጋር እየኖሩ ነው

• የእርዳታ ሥራው በሙሉ እየተከናወነ ያለው ከኮቪድ-19 ጋር በተያያዘ የወጡትን የደህንነት ደንቦች በተከተለ መልኩ ነው

በአደጋው ለተጎዱት ወንድሞቻችን እና እህቶቻችን እንጸልያለን። ይሖዋ በተለይ የሚወዷቸውን ሰዎች በሞት ያጡትን ‘ልባቸውን እንደሚያጽናና እና እንደሚያጸናቸው’ ሙሉ እምነት አለን።—2 ተሰሎንቄ 2:16, 17