ዎሎንጎንግ፣ አውስትራሊያ ውስጥ ከመስከረም 18-25, 2022 ዓለም አቀፍ የጎዳና ላይ የብስክሌት ሻምፒዮና ተካሂዶ ነበር፤ ይህን ምክንያት በማድረግ ከመላው አውስትራሊያ የተውጣጡ 300 የይሖዋ ምሥክሮች በአደባባይ ምሥክርነት ዘመቻ ተሳትፈዋል። ይህን ውድድር ለመታደም በየዓመቱ ከ70 አገሮች ከ200,000 በላይ ጎብኚዎች ይመጣሉ።

ወንድሞችና እህቶች ከ600 በላይ ጽሑፎችን አበርክተዋል፤ በተጨማሪም ጎብኚዎች በራሳቸው ቋንቋ ጽሑፎችን ስልካቸው ላይ እንዲያወርዱ እገዛ ሰጥተዋል። ከዚህም ሌላ 18 ሰዎች መጽሐፍ ቅዱስ ለማጥናት ጥያቄ አቅርበዋል። ከመስከረም ወዲህ ጥናት ከጀመሩት ሰዎች አምስቱ በስብሰባዎች ላይ አዘውትረው ይገኛሉ። በእርግጥም አንድ ወንድም እንደተናገረው “ይሖዋ በሥራው የደከሙትን ሁሉ ባርኳቸዋል።” ሌላ አስፋፊ ደግሞ እንዲህ ብላለች፦ “በሥራው በተሳተፉት ወንድሞችና እህቶች መካከል ደስ የሚል መንፈስ ነበር። ወደ ቤቴ የተመለስኩት ለረጅም ጊዜ ስንቅ የሚሆኑኝ ብዙ ትዝታዎች ይዤ ነው፤ ለአገልግሎት ያለኝ ቅንዓትም ተቀጣጥሏል።”

“ስለ አምላካችን ታላቅነት” በኩራት የሚናገሩት የአውስትራሊያ ወንድሞቻችንና እህቶቻችን ለእኛም የደስታ ምክንያት ሆነውልናል።—ዘዳግም 32:3