ከጥቅምት 7, 2023 ጀምሮ በእስራኤልና በጋዛ ሰርጥ ከፍተኛ ብጥብጥና ጦርነት ሰፍኗል። በመቶ ሺዎች የሚቆጠሩ ሰዎችም መኖሪያቸውን ትተው ለመሰደድ ተገደዋል። ሪፖርቶች እንደሚጠቁሙት እስካሁን የሞቱት ሰዎች ቁጥር 4,200 እንደደረሰ ይገመታል።

• በአደጋው የሞተ ወይም የተጎዳ የይሖዋ ምሥክር የለም

• 93 አስፋፊዎች ከመኖሪያቸው ተፈናቅለዋል

• 3 መኖሪያ ቤቶች ቀላል ጉዳት ደርሶባቸዋል

• በስብሰባ አዳራሾች ላይ የደረሰ ጉዳት የለም

• የወረዳ የበላይ ተመልካቾችና በአካባቢው የሚገኙ የጉባኤ ሽማግሌዎች ግጭቱ ጉዳት ባደረሰባቸው አካባቢዎች ለሚገኙ ወንድሞችና እህቶች መንፈሳዊ እርዳታ እያደረጉና የሚያስፈልጓቸውን ነገሮች እያሟሉ ነው

• የአደጋ ጊዜ እርዳታ አስተባባሪ ኮሚቴ ተቋቁሞ የእርዳታ ሥራውን እያስተባበረ ነው

ግጭቱ ባለባቸው አካባቢዎች የሚኖሩ ወንድሞቻችን በቪዲዮ ኮንፈረንስ በመገናኘት መንፈሳዊ ልማዶቻቸውን ለመቀጠል ጥረት እያደረጉ ነው። አንድ የወረዳ የበላይ ተመልካች እንዲህ ብሏል፦ ነገ ምን ይዞ እንደሚመጣ አለማወቃችን ፈታኝ ቢሆንም የውድ ወንድሞቻችንንና እህቶቻችንን ጠንካራ እምነት እንዲሁም አንዳቸው ለሌላው የሚያሳዩትን ከራስ ወዳድነት ነፃ የሆነ ፍቅር መመልከት በጣም ያበረታታል።”

መጽሐፍ ቅዱስ ላይ የሰፈረው በቅርቡ ‘ጦርነት ከመላው ምድር ላይ እንደሚወገድ’ የሚገልጸው ተስፋ የሚፈጸምበትን ጊዜ በጉጉት እንጠባበቃለን።—መዝሙር 46:9