እስራኤል እና የፍልስጤም ግዛት

• ግንቦት 10, 2021 በእስራኤልና በፍልስጤም ግዛት ግጭት ተነስቶ ነበር፤ በዚህም ምክንያት ብዙዎች ሕይወታቸውን አጥተዋል

• አይሁዳውያንና አረቦች ተቀላቅለው በሚኖሩባቸው የእስራኤል ከተሞች ውስጥ በግለሰብና በሕዝብ ንብረቶች ላይ ጉዳት ደርሷል

• በእስራኤል እና በፍልስጤም ግዛት ከሚኖሩት ከ2,000 የሚበልጡ አስፋፊዎች መካከል አንዳቸውም አካላዊ ጉዳት አልደረሰባቸውም

• መስክ ላይ የሚያገለግሉ 15 የልዩ የሙሉ ጊዜ አገልጋዮችን ጨምሮ 73 አስፋፊዎች ከመኖሪያቸው ተፈናቅለዋል። 13 ቤቴላውያን የቦንብ ጥቃት መከላከያ ባላቸው አፓርትመንቶች ውስጥ ለጊዜው መጠለል አስፈልጓቸው ነበር

• 6 ቤቶች ቀላል ጉዳት ደርሶባቸዋል

• የአደጋ ጊዜ እርዳታ አስተባባሪ ኮሚቴው የእርዳታ ሥራውን እያቀናጀ ሲሆን ከወረዳ የበላይ ተመልካቾችና ከአካባቢው የጉባኤ ሽማግሌዎች ጋር በመሆን አስፈላጊውን እርዳታ እያቀረበ ነው

• በተጨማሪም የወረዳ የበላይ ተመልካቾቹ ከጉባኤ ሽማግሌዎች ጋር በመተባበር ለአስፋፊዎች መንፈሳዊ እርዳታ እያደረጉ ነው

• ሁሉም የእርዳታ ሥራዎች እየተከናወኑ ያሉት ከኮቪድ-19 ወረርሽኝ ጋር በተያያዘ የወጡትን የደህንነት ደንቦች ባገናዘበ መልኩ ነው

በአሁኑ ወቅት ሁሉም ስብሰባዎች የሚደረጉት በቪዲዮ ኮንፍረንስ አማካኝነት ስለሆነ የጉባኤ ስብሰባዎች ሳይቋረጡ መቀጠል ችለዋል። ግንቦት 15 ወንድሞችና እህቶች የወረዳ ስብሰባቸውን በ​JW ስትሪም ስቱዲዮ አማካኝነት በቀጥታ ስርጭት መከታተል ችለዋል። የከሰዓት በኋላው ፕሮግራም ባለሥልጣናቱ የማስጠንቀቂያ ደወል በማሰማታቸው ምክንያት ሦስት ጊዜ ተቋርጦ ነበር። ወንድሞች እነዚህን ደወሎች ሲሰሙ ከለላ ለማግኘት ከደረጃ በታች ባለው ቦታ ወይም የቦንብ ጥቃት መከላከያ ውስጥ ይጠለላሉ። ግጭቱ ቢኖርም እንኳ 804 አስፋፊዎች በዕብራይስጥ የተላለፈውን ፕሮግራም ተከታትለዋል። በተጨማሪም 297 አስፋፊዎች በታጋሎግ ቋንቋ የተደረገውን የወረዳ ስብሰባ ተከታትለዋል። በእስራኤል እና በፍልስጤም ግዛት የሚገኙት አምስት የአረብኛ ጉባኤዎች ግንቦት 22 የወረዳ ስብሰባ ያደርጋሉ።

በዚህ አስቸጋሪ ሁኔታ ውስጥ ያሉት ወንድሞቻችን እና እህቶቻችን በይሖዋ መተማመናቸውንና እሱን መጠጊያቸው ማድረጋቸውን ቀጥለዋል።—መዝሙር 91:1, 2, 5