ግንቦት 30, 2021 የክርስቲያን ግሪክኛ ቅዱሳን መጻሕፍት አዲስ ዓለም ትርጉም በአሉር ቋንቋ ወጣ። የኮንጎ (ኪንሻሳ) ቅርንጫፍ ኮሚቴ አባል የሆነው ወንድም ሂዩግ ካቢትሿ መጽሐፍ ቅዱሱ በዲጂታል ፎርማት መውጣቱን አስቀድሞ በተቀረጸ ንግግር አማካኝነት አብስሯል።

• አሉር በማዕከላዊ አፍሪካ፣ በተለይም በኮንጎ ዲሞክራሲያዊ ሪፑብሊክ ሰሜን ምሥራቃዊ ክፍል እና በአጎራባቿ በኡጋንዳ የሚነገር ቋንቋ ነው

• 1,735,000 ያህል ሰዎች የአሉር ቋንቋን እንደሚናገሩ ይገመታል

• የአሉር ቋንቋን በሚጠቀሙ 48 ጉባኤዎችና ቡድኖች ውስጥ የሚያገለግሉ ከ1,500 የሚበልጡ አስፋፊዎች አሉ

• በሥራው የተካፈሉት 6 ተርጓሚዎች ሥራውን ለማጠናቀቅ 12 ወራት ፈጅቶባቸዋል

የኮንጎ (ኪንሻሳ) ቅርንጫፍ ኮሚቴ አባል የሆነው ወንድም ክሪስቲያን ቤሎቲ እንዲህ ብሏል፦ “የአሉር ቋንቋን የሚጠቀሙ አስፋፊዎች ይህን መጽሐፍ ቅዱስ ማንበብ እንደሚያስደስታቸው አልጠራጠርም። ቅዱሳን መጻሕፍትን ለማብራራትና ሌሎች ለአምላክ ቃል ልባዊ አድናቆት እንዲያድርባቸው ለመርዳት ያግዛቸዋል።”—ሉቃስ 24:32

ይህ የመጽሐፍ ቅዱስ ትርጉም ወንድሞቻችንና እህቶቻችን ‘የዘላለሙን ምሥራች’ ማወጃቸውን እንዲቀጥሉ እንደሚረዳቸው እርግጠኞች ነን።—ራእይ 14:6