ጎማ፣ ኮንጎ ዲሞክራሲያዊ ሪፑብሊክ

• ቅዳሜ፣ ግንቦት 22, 2021 በሰሜናዊ ኪቩ ግዛት፣ በጎማ ከተማ አቅራቢያ በሚገኘው የኒራጎንጎ ተራራ ላይ እሳተ ገሞራ በመፈንዳቱ በሺዎች የሚቆጠሩ ሰዎች አካባቢዎች ለቀው ተሰደዋል

• 2,000 አስፋፊዎች መኖሪያቸውን ለቀው በአቅራቢያው ወደሚገኙ ከተሞች ሸሽተዋል

• 35 የልዩ ሙሉ ጊዜ አገልጋዮች ለጊዜው ከመኖሪያቸው ተፈናቅለዋል

• ቢያንስ 29 የወንድሞቻችን ቤቶች ፈርሰዋል

• የእርዳታ ሥራውን የሚያስተባብር የአደጋ ጊዜ እርዳታ አስተባባሪ ኮሚቴ ተቋቁሟል። የአደጋ ጊዜ እርዳታ አስተባባሪ ኮሚቴው ከወረዳ የበላይ ተመልካቾችና ከጉባኤ ሽማግሌዎች ጋር በመተባበር የጉዳቱን መጠን ለማጣራት እንዲሁም ለወንድሞችና ለእህቶች አስፈላጊውን እርዳታ ለማበርከት ጥረት እያደረገ ነው

• ሁሉም የእርዳታ ሥራዎች እየተከናወኑ ያሉት ከኮቪድ-19 ወረርሽኝ ጋር በተያያዘ የወጡትን የደህንነት ደንቦች ባገናዘበ መልኩ ነው

በርካታ ወንድሞቻችን ቤታቸውን ያጡ ቢሆንም አንዳቸውም በዚህ የተፈጥሮ አደጋ ምክንያት የአካል ጉዳት ያልደረሰባቸው በመሆኑ ደስተኞች ነን። ወንድሞቻችን በዚህ የጭንቀት ጊዜ በይሖዋ ታምነዋል፤ እኛም ስለ እነሱ መጸለያችንን እንቀጥላለን።—ናሆም 1:7