ኅዳር 6, 2024 የራማፖ ከተማ ፕላን ቦርድ የፕሮጀክታችንን የግንባታ ንድፍ አጽድቆልናል። ይህ ፈቃድ መገኘቱ፣ በቦታው ላይ ዋና ዋና የግንባታ እንቅስቃሴዎችን ለመጀመር የሚያስችለን ትልቅ እመርታ ነው።

የከተማ ፕላን ቦርዱ ሰኔ 2023 በፕሮጀክቱ ልናከናውን ካሰብነው ግንባታ ለተወሰኑት ፈቃድ መስጠቱ ይታወሳል። ከዚህ በፊት የተገኙት ፈቃዶች፣ ቦታውን እንደ መመንጠር የመሰሉ የቅድመ ዝግጅት ሥራዎችን ለማከናወን አስችለውናል። ሆኖም አሁን የተገኘው ፈቃድ፣ ዋናውን መግቢያ ለመሥራትና የአካባቢውን ዓለት በድማሚት በመፈርከስ ለመሠረት ግንባታ ለማዘጋጀት ያስችለናል። በተጨማሪም መሬት ቆፍሮ የውኃ መተላለፊያ ቱቦዎች እንደ መቅበር ዓይነት አስፈላጊ ሥራዎች ይጀመራሉ።

በግንባታ ፕሮጀክት ኮሚቴ ውስጥ የሚያገለግለው ወንድም ኬቨን ፔጅ እንዲህ ብሏል፦ “ይህን ፈቃድ በማግኘታችን በጣም ተደስተናል! በእያንዳንዱ ሂደት ይሖዋ ትዕግሥታችንንና ትጋታችንን እንደባረከልን ተመልክተናል። ለዚህ ትልቅ እመርታ እናመሰግነዋለን፤ ይህን የፕሮጀክቱ ክፍል መባረኩን እንዲቀጥልም እንጸልያለን።”

ፕሮጀክቱ እዚህ ደረጃ ላይ በመድረሱ መላው የወንድማማች ማኅበር ተደስቷል! ይሖዋ ፕሮጀክቱንም ሆነ በሥራው ላይ የሚሳተፉትን ሁሉ አብዝቶ ይባርክ ዘንድ እንጸልያለን።​—ሐጌ 1:14