ጥር 23, 2024 | የታደሰው፦ ሚያዝያ 18, 2024
ዓለም አቀፋዊ ዜና

ወቅታዊ መረጃ—ወንድም ተፈረደበት | “እምነት ላለው ሰው፣ ሁሉ ነገር ይቻላል”

አጫውት

ሚያዝያ 16, 2024 በሴቫስቶፖል የሚገኘው የናኪሞቭስኪ አውራጃ ፍርድ ቤት፣ ወንድም ማክሲም ዚንችዬንኮ ጥፋተኛ ነው በማለት የሁለት ዓመት የግዳጅ የጉልበት ሥራ በይኖበታል። ማረሚያ ተቋም ውስጥ እየኖረ በተመደበለት አካባቢ የሚሰጠውን ሥራ ማከናወን ይኖርበታል።

አጭር መግለጫ

ማክሲም ዚንችዬንኮ

ትውልድ፦ 1992 (ዩክሬን)

ግለ ታሪክ፦ በብየዳ ሞያ ሠርቷል

ያደገው በይሖዋ ምሥክር ቤተሰብ ውስጥ ነው። በ2006 ተጠመቀ

በ2015 ከካሪና ጋር ትዳር መሠረተ

የሰጠው ሐሳብ

ያበረታህ የመጽሐፍ ቅዱስ ጥቅስ የትኛው ነው?

በጣም ከምወዳቸው ጥቅሶች አንዱ ማርቆስ 9:23 ነው፤ ጥቅሱ በከፊል “እምነት ላለው ሰው፣ ሁሉ ነገር ይቻላል” ይላል። ይህ ሐሳብ ድፍረት ይሰጠኛል። ስለዚህ ችሎት ፊት ከመቅረቤ በፊትም ሆነ ጭንቀት ወይም ስጋት ሲያድርብኝ እነዚህን ቃላት ለራሴ እደግማቸዋለሁ። በተጨማሪም ይሖዋ ድፍረት እንዲሰጠኝ እለምነዋለሁ። ብዙ ጊዜ ከፍርድ ቤት ስወጣ በይሖዋ እርዳታ ማከናወን በቻልኩት ነገር እደነቃለሁ። በእያንዳንዱ ዕለት ወደ ይሖዋ ይበልጥ ለመቅረብ ጥረት ማድረጌ ምን ያህል አስፈላጊ እንደሆነ ይበልጥ ተረድቻለሁ። እሱ ከእኔ ጋ እስከሆነ ድረስ ማንኛውንም ነገር መወጣት እንደምችል እተማመናለሁ።

ይሖዋ፣ ማክሲምም ሆነ የእሱን ፈቃድ የሚያደርጉ ሁሉ ለሚያሳዩት ድፍረትና ጽናት ወሮታ እንደሚከፍላቸው እንተማመናለን።—ዕብራውያን 10:35, 36

የክሱ ሂደት

ግንቦት 17, 2023

በጽንፈኛ ድርጅት እንቅስቃሴ በመካፈል ተከሰሰ
ግንቦት 22, 2023

ቤቱ ተፈተሸ። በማክሲም እና በካሪና ላይ ምርመራ ተካሄደባቸው፤ ወደ ጊዜያዊ ማረፊያ ጣቢያ እንዲገባ ተደረገ
ግንቦት 24, 2023

ከጊዜያዊ ማረፊያ ጣቢያ ወጥቶ የቁም እስረኛ እንዲሆን ተደረገ
ሐምሌ 12, 2023

ጉዳዩ በፍርድ ቤት መታየት ጀመረ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች